Qazaq radıosynda jańa kadrlyq ózgerister
ASTANA. 2 tamyz. QazAqparat - Qazaq radıosy dırektorynyń orynbasary qyzmetine
QR Jýrnalıster Odaǵynyń múshesi, «Qazaq gazetteri» JShS Bas dırektorynyń orynbasary bolǵan Qydyr Ýálı taǵaıyndaldy.
Qydyr Ýálı bul qyzmette Ǵalymjan Meldeshti almastyrdy. Qazaq radıosynda dırektor, dırektordyń orynbasary, bas redaktor qyzmetterinde bolǵan Ǵalymjan Meldesh jýyrda Bilim jáne ǵylym mınıstriniń keńesshisi bolyp taǵaıyndaldy.
Qydyr Ýálı Saǵyndyquly - 1975 jyly 21 qańtarda dúnıege kelgen. 1998 jyly ál-Farabı atyndaǵy QazMÝ -diń jýrnalıstıka fakýltetin bitirgen.
Qyzmet jolyn Ádilet Mınıstrligi «Zań» AQ-nyń basylymdaryn shyǵarýshy- redaktory bolyp bastaǵan (2000 j.). 2001 jyly QR Joǵarǵy Sotynyń baspasóz qyzmetinde jumys atqardy. 2002-2004 jyldary Respýblıkalyq «Zań» gazetiniń tilshisi, bólim redaktory boldy. 2008-2009 jyldary aralyǵynda respýblıkalyq «Nur Astana» gazetiniń Almaty bólimshesin basqardy. 2009-2012 jyldary elimizdegi kóptegen gazet-jýrnaldardyń basyn biriktiretin «Qazaq gazetteri» JShS Bas dırektorynyń orynbasary qyzmetin atqardy
