Qazaq radıosyn 70 mln túrik halqy tyńdaıdy - Mádı Manatbek

ASTANA. QazAqparat - Qazaq jáne túrik radıosy birlesip radıokópir ótkizedi, dep habarlaıdy QazAqparat «Respýblıkalyq radıo» JShS-nyń Bas dırektory Mádı Manatbekke silteme jasap.

«22 naýryzda, saǵat 13:00-14:00 aralyǵynda «Qazaq radıosy» men «Túrkııa úni» radıosy birlesken radıokópir ótkizedi. Naýryz merekesinde baýyrlas ulttyń únjarııasy qazaq jerinde shalqysa, Qazaq radıosyn 70 mln túrik halqy tyńdaıdy», - dep jazdy Mádı Manatbek Feısbýktegi paraqshasynda.

Radıokópirdi Qazaq radıosynan Qýanysh Kárim men Amangúl Ermekqyzy jáne «Túrkııa Úni» radıosynan Torǵyn Sultanqyzy júrgizedi.
Al qonaqqa Gazı Ýnıversıteti Túrik tili men ádebıeti kafedrasynyń oqytýshysy, professor, Túrkııat zertteý ortalyǵynyń tóraıymy Húlııa Kasapoǵlý Chengel men halyqaralyq saıasat ǵylymynyń doktory Márııam Hakim keledi.