Qazaq radıosy búldirshindi emdetýge 40 myń dollar tapty

  ASTANA. QazAqparat - Qazaq radıosynyń tikeleı efırine shyǵatyn «Jan jylýy» baǵdarlamasy syrqat balanyń em-domyna qajetti qarjynyń tabylýyna sebepshi boldy. Qaıyrymdylyqty nasıhattap, túrli dertke shaldyqqan búldirshinderge qoldaý kórsetý sharalaryn úgittep júrgen baǵdarlamaǵa telefon shalǵan ananyń ótinishine oraı kəsipkerlerdiń biri 40 myń dollar beretin boldy, dep habarlaıdy QazAqparat.

Aıta keteıik, «Qazaq radıosynyń» tikeleı efırinde ótip jatqan baǵdarlamaǵa  Aqmaral esimdi ana habarlasqan edi. Onyń 4 jastaǵy Aısəýle esimdi balasynyń qos búıregi de dertke shaldyǵyp, jumys istemeıtin halge túsipti. Qazir qan tazartý qurylǵysynyń kómegimen ǵana ómirin jalǵastyryp jatyr eken. Ana osy jaıdy aıtyp tyńdarmandardan kómek surady. Efır barysynda habarlasqan tyńdarmannyń biri balanyń anasynyń telefonyn suraǵan. Səl keıinirek, sol habarlasqan azamattyń búldirshinniń em-domyna 40 myń AQSh dollaryn beretini belgili boldy. Efırge habarlasqan Aısəýle Jambyl oblysy Shý aýdanynda turady. Qazir Almatynyń Aqsaı balalar aýrýhanasynda em alyp jatyr eken.

«Jan jylýy» baǵdarlamasynyń júrgizýshisi Aqbaıan Saparbaı: «Jaqsy adamdardyń bar ekeni daýsyz. Soǵan taǵy bir kóz jetkizdik. Aldaǵy ýaqytta Aısáýleniń jaǵdaıy men kásipker kórsetken kómekti tolyǵyraq aıtamyz»,- dedi. Əzirge kəsipker óz esimin jarııalamaýdy ótinip otyr. Esterińizge salar bolsaq, «Jan jylýy» baǵdarlamasy Qazaq radıosynyń efırine bıylǵy səýir aıynan beri shyǵyp keledi. Aptasyna eki ret tikeleı efırde ótetin baǵdarlama túrli dertke shaldyqqan jandardy emdetý məselesin kóterip, qoǵamnyń nazaryn aýdarýdy kózdeıdi.