Qazaq radıolary dıktorlarǵa kastıng jarııalady
ASTANA. QazAqparat - «Qazaq radıolary» JShS jańa dıktorlarǵa kastıng jarııalady, dep habarlaıdy QazAqparat seriktestik saıtyna silteme jasap.
«QAZAQ RADIOLARY» seriktestigine qarasty: «Qazaq radiosy» «Shalgar», «Astana», «Classic» radıolaryna dıktorlyqqa kastıng jarııalandy. Astana qalasynyń qatysýshylary úshin kastıng 23 qarasha kúni saǵat 15:00-de Qonaev kóshesi 4-ǵımarattaǵy Qazmedıa ortalyǵynda ótedi. Úmitkerdiń ózimen birge tólqujaty bolýy mańyzdy», - delingen habarlamada.
Al respýblıkanyń basqa aımaqtarynan qatysýǵa nıet bildirgender kez kelgen aqynnyń bir óleńin (3mın) jáne aqparattyq mátindi (1mın) oqyp mp3 formatta, óńdeýsiz kazdictor@gmail.com poshtasyna jiberýi kerek. Aýdıomátinder jaqshada kórsetilgen ýaqyttan aspaýy tıis.
«Kastıngke túsken materıaldar 1-20 qarasha aralyǵynda irikteledi jáne 23 qarashada qorytyndylanady. Sondaı-aq, qatysýshylar aýdıomen birge tólqujatynyń sýretin de jiberýi kerek. Kastıngke 18 ben 30 jas aralyǵyndaǵy azamattar qatysa alady» - dep habarlady seriktestik.
Іrikteýde qatysýshynyń kórkem mátindi oqý sheberligine, daýys máneri men til tazalyǵyna basa nazar aýdarylady.
