Qazaq prozasy men poezııasynyń antologııasy álemniń 90-nan astam eline taratyldy
«100 jańa esim» jobasy negizinde óz salasynda Qazaqstannyń damýyna úles qosýshy 100 jańa tulǵa tańdalyp, kópshilikke tanystyryldy. Olardyń esimderimen tulǵalary keńinen nasıhattalyp, óskeleń urpaqqa jaqsy úlgi-ónegege aınaldy. «100 jańa esim» jobasyna iriktelgen qaıratker jastar óndiris pen kásipti, ǵylym men mádenıeti alǵa tartatyn tulǵalardyń jańa legin quraıdy dep sanaımyz», - dedi mınıstr.
Sonymen qatar ol «Jahandaǵy zamanaýı qazaqstandyq mádenıet» jobasy aıasynda «Qazirgi qazaq prozasynyń antologııasy» jáne «Qazirgi qazaq poezııasynyń antologııasy» BUU-nyń 6 resmı tiline aýdarylyp, aǵylshyn, arab, ıspan, qytaı, orys jáne frantsýz tilderinde sóıletin 90-nan asa eldiń iri kitaphanalaryna, oqý oryndary men ádebı ortalyqtaryna, jalpy sany 20 myńǵa tarta uıymdarǵa jetkizilgendigin aıtty.
«Bul jınaqtardy halyqaralyq tanystyrý is-sharalary London, Madrıd, Parıj, Máskeý jáne Kaır qalalarynda ótti. Sondaı-aq halyqaralyq qoǵamdastyqpen baılanysty shyǵaıtý maqsatynda Qytaı, AQSh, Túrkııa, Reseı, Fınlıandııa, Koreıa, Malaızııa, Vengrııa, Shvetsııa jáne basqa da elderdiń ulttyq kitaphanalarynda 34 qazaqstandyq ádebıet jáne mádenıet ortalyǵy ashyldy. QR Prezıdenti Qasym-Jomart Toqaevtyń tapsyrmasymen ótken jyly Abaı Qunanbaıuylynyń 175 jyldyǵy aıasynda uly aqyn shyǵarmalarynyń jınaǵy álemniń iri 10 tiline aýdarylyp, álemge usynyldy. Bul bastama da tól ádebıetimizdi álemge tanystyrý, mádenıetimizdi nasıhattaýǵa qosylǵan zor úles dep bilemin», - dedi Aıda Balaeva.
