Qazaq palýandary halyqaralyq týrnırde jeńimpaz atandy

Almaty qalalyq Dene shynyqtyrý jáne sport basqarmasynyń baspasóz qyzmetiniń habarlaýynsha, jarysqa Qazaqstannyń túkpir-túkpirinen kelgen sportshylar, sonymen qatar, Armenııa, Grýzııa, Ázerbaıjan, Qyrǵyzstan jáne Reseı memleketterinen 280-nen astam palýan qatysty. Olar (UWW) erejelerine sáıkes kúresti.

Týrnırdiń birinshi kúni palýandar - 50 kg, 60 kg, 74 kg ı 96 kg salmaq dárejelerinde ózara myqtyny anyqtasa, al ekinshi kúni myna salmaq dárejelerindegi sportshylar kúresti: 55 kg, 66 kg, 84 kg, 120 kg. Jarystyń nátıjeleri boıynsha Qazaqstan sportshylary 20 medalmen ózgelerden basym tústi. Jalpy, elimizdiń palýandary 5 altyn, 6 kúmis jáne 9 qolany oljalady.

- Men osymen jarysqa úshinshi ret qatysyp jatyrmyn. Men ekinshi oryndy ıelendim, birinshi orynǵa kishkene ǵana jetpeı qaldy. Qarsylasym myqty boldy. Alaıda, men eńsemdi túsirmeı, kóp jattyǵyp, kelesi týrnırde altyn medaldi jeńetinime senimdimin. Aldaǵy ýaqytta álem jáne Azııa chempıonaty josparda bar. Jeńimpaz atanǵym keledi, - dep atap ótti jarystyń kúmis júldegeri Anton Savenko.

Jeńimpazdar men júldegerlerge baǵaly syılyqtar, dıplomdar jáne medaldermen marapattaldy.

Sporttyq shara Almaty qalasynyń Dene shynyqtyrý jáne sport basqarmasynyń, QR mádenıet jáne sport mınıstrliginiń, Qazaqstannyń kúres Federatsııasynyń, «Almaty qalasynyń halyqaralyq sporttyq jobalar Dırektsııasy» memlekettik qorynyń qoldaýymen uıymdarstyryldy.

Aıta ketsek, Jaqsylyq Úshkempirovtyń júldesine arnalǵan týrnır grek-rım kúresin jastar arasynda dáripteý, kórshiles elderdiń sportshylary arasynda dostyq qarym-qatynasty nyǵaıtý, «QR sport sheberi» normatıvin oryndaý, QR memlekettik qurama komandasyna úzdikterdi irikteý maqsatynda osy jyly 33-shi ret ótkizilip jatyr.

Nazarlaryńyzǵa búgingi jarystyń jeńimpazdary men júldegerler tizimin usynamyz:

50 keli

I. Alpamys Dastanbek (Qazaqstan)

II. Rýslan Esentaı (Qazaqstan)

III. Halıs Radjapov (Qazaqstan)

III. Jasýr Ortykbaev (Ózbekstan)

60 keli

I. Ernar Fıdahmetov (Qazaqstan)

II. Ǵalym Qabdýnasyrov (Qazaqstan)

III. Arslan Abdýrahman (Qazaqstan)

III. Grachı Pogasıan (Armenııa)

74 keli

I. Beka Mamýkashvılı (Grýzııa)

II. Malhas Amoıan (Armenııa)

III. Evgenıı Polıvadov (Qazaqstan)

III. Rahmet Sápıev (Qazaqstan)

96 keli

I. Elmar Oqaly (Qazaqstan)

II. Tórehan Jaqypov (Qazaqstan)

III. Saba Býhrıkıdze (Grýzııa)

III. Tımýr Mamajanov (Ózbekstan)

Ekinshi kún, 7 mamyr:

55 keli

I. Ernur Fıdahmetov (Qazaqstan)

II. Rınat Baltashev (Qazaqstan)

III. Dıas Kúresbaı (Qazaqstan)

III. Shaımerden Abaýov (Qazaqstan)

66 keli

I. Mereı Bekenov (Qazaqstan)

II. Georgıı Kýrtanıdze (Grýzııa)

III. Georgıı Gýdjabıdze (Grýzııa)

III. Ekpin Serikbol (Qazaqstan)

84 keli

I. Temýrı Tskýaselıdze (Grýzııa)

II. Sanjar Temirbek (Qazaqstan)

III. Eldos Maǵzumov (Qazaqstan)

III. Baǵdat Úsenov (Qazaqstan)

120 keli

I. Zvıadı Patarıdze (Grýzııa)

II. Anton Savenko (Qazaqstan)

III. Abbos Ibragımov (Ózbekstan)

III.Azmedın Vahabov (Tájikstan).