Qazaq-ózbek shekarasyndaǵy kólik keptelisi: Jaǵdaı tolyq baqylaýda

TÚRKІSTAN. QazAqparat - 2018 jylǵy 1-7 tamyz aralyǵynda Qazaqstan men Ózbekstan shekarasyndaǵy «B. Qonysbaeva» ótkizý beketinde, Qazaqstan jaǵynda kólik jınalyp, onyń sany 315-ke jetti. Bul týraly «QazAqparat» HAA tilshisi Memlekettik kirister komıtetine silteme jasap habarlaıdy.

Buryn memlekettik kirister organdary kepteliske Qazaqstan arqyly Ózbekstanǵa alys-jaqyn shetelderden kólikterdiń aǵymynyń kúrt artýy sebep bolǵanyn aıtqan.

7 tamyzda QR Qarjy mınıstrliginiń Memlekettik kirister komıteti Ózbekstannyń Keden qyzmetine osy máseleni retteýge arnalǵan hat jiberdi. Osyǵan baılanysty, sońǵy aptada Ózbekstan tarapy avtokólik ótkizý kólemin 160 mashınaǵa deıin arttyrdy. Qazir jaǵdaı tolyq baqylaýda.

18 tamyz kúni Memlekettik kirister komıtetiniń tóraǵasy Ardaq Teńgebaev jumys saparymen Túrkistan oblysyna bardy. Sapar aıasynda ol Ózbekstan Respýblıkasy Memlekettik keden komıtetiniń tóraǵasy Muradjan Berdiálıevıchpen kezdesti.

Kezdesýde taraptar máseleni sheshýdiń joldaryn talqylady. Onyń qorytyndysy boıynsha, taraptar «B. Qonysbaeva» ótkizý beketinde kólik jınalýyn 60 mashınaǵa deıin qysqartýǵa kelisti.

Aıta keteıik, QR Qarjy mınıstrligi Memlekettik kirister komıteti «B.Qonysbaev» - «ıAllama» ótkizý beketinde júk kólikteriniń nelikten irkilip qalǵandyǵyn resmı túsindirgen bolatyn.