Qazaq-ózbek shekarasynda saýda aımaǵyn qurý josparlanýda
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev óńirimizge jumys saparymen kelgen Ózbekstan Respýblıkasy Premer-Mınıstriniń orynbasary Ý.Rozýkýlovpen kezdesti. Bul týraly oblys ákiminiń baspasóz qyzmeti habarlady.
Kezdesýde aımaq basshysy mártebeli meımandy óńirdiń áleýmettik-ekonomıkalyq áleýemetimen tanystyryp, ekijaqty yntymaqtastyqty damytý jaıyn talqylady. Qazaq-ózbek qatynasyn jaqsartyp, taýar aınalymyn retke keltirý boıynsha kelissózder júrgizilip, ortaq kelisimge qol jetkizildi.
Atalǵan kelisimniń sheńberinde Ońtústik Qazaqstan oblysyndaǵy qos eldiń shekarasy mańynda saýda aımaǵyn qurý josparlanýda.
Sondaı-aq, ekijaqty basqosýda jyl sońyna deıin Shymkent qalasynda ózbek taýaróndirýshileriniń kórmesin uıymdastyrý jóninde mámilege qol jetkizilip, arnaıy jumys toby qurylatyn boldy.
Ońtústik Qazaqstan oblysyna issapary barysynda Ý.Rozýkýlov oblystyń bıznes múmkindikterimen tanysty. Atap aıtqanda, kórshiles qonaqqa «Hımfarm» AQ jáne «Kaz Kioti» JShS-nyń traktor zaýytynyń jumysy kórsetildi. Ózbekstan Respýblıkasynyń vıtse-premeri «Hımfarm» AQ-nyń óndirisine tánti bolyp, óz elinde mundaı deńgeıdegi kásiporynnyń joqtyǵyn jetkizdi. Budan bólek, delegatsııa quramynda bolǵan ózbek kásipkerleri «Kaz Kioti» JShS-men áriptestik qarym-qatynas ornatýǵa múddeli ekenine nıet bildirdi.
Ózbekstanda jasalǵan júk kólikteri, maqta terim kombaındary jáne turmystyq tehnıkalardyń kórmesi Ońtústik Qazaqstan oblysynyń ındýstrıaldy aımaǵynda kórsetildi.
