Qazaq-ózbek shekarasynda 2 jańa beket qurylady
«Biz 2017 jyly salyqtyq jáne kedendik tekserýlerdiń sanyn 45 paıyzǵa qysqarttyq. Endi biz Mınıstrlik aldyna qoıylǵan jańa mindetterdi esepke ala otyryp, shtat sanyn ońtaılandyrýǵa kirisetin bolamyz. Memleket basshysynyń tapsyrmasyna sáıkes biz baqylaý-qadaǵalaý fýnktsııalaryn júzege asyrǵan shamamen 600 shtat birligin qysqartamyz jáne basqa jumys ýchaskesine aýystyramyz», - dedi ol.
Onyń aıtýynsha, eń aldymen qazaq-ózbek shekarasynda taýar aǵymynyń ósýine jáne Ózbekstanmen úkimetaralyq kelisim boıynsha mindettemelerdi oryndaýǵa baılanysty keden qyzmeti úsh bekette táýlik boıy jumysy rejimine aýysady. Buǵan basqa, 2 jańa baqylaý ótkizý pýnkti qurylady. Olarǵa shamamen 124 adam qyzmetker qajet.
«Ekinshiden jumys rejimi 24/7 jańa teńiz porty aýmaǵyndaǵy «Quryq» ótkizý pýnktin tolyq jasaqtaý qajet. Oǵan shamamen 77 adam maman kerek. Úshinshiden, sybaılas jemqorlyqty tómendetý maqsatynda keden beketterin vahta ádisine kóshirý jumysy usynylady. Munda da qosymsha shtat qajet», - dedi Baqyt Sultanov.
