Qazaq-ózbek shekarasynan ótetin energııa resýrstaryna baqylaý kúsheıtiledi

ASTANA. QazAqparat – Búgin Parlament Májilisiniń jalpy otyrysynda «Qazaqstan Úkimeti men Ózbekstan Úkimeti arasyndaǵy Qazaqstan-Ózbekstan kedendik shekarasy arqyly qubyrjol kóligimen jáne elektr berý jelileri boıynsha energııa resýrstaryn ótkizý kezindegi birlesken kedendik baqylaý týraly kelisimdi ratıfıkatsııalaý týraly» zań jobasy qabyldandy, dep habarlaıdy QazAqparat tilshisi.

Kelisimge 2021 jylǵy 6 jeltoqsanda Astanada qol qoıyldy.

Kelisimniń maqsaty – Qazaqstan-Ózbekstan kedendik shekarasy arqyly qubyrjol kóligimen jáne elektr energııasyn berý jelileri arqyly ótkiziletin energııa resýrstaryn baqylaýdyń tıimdiligin arttyrý. Qujatta eki el kedendik shekarasy arqyly qubyrjol kóligimen jáne elektr berý jelileri arqyly ótkiziletin energııa resýrstaryna birlesken kedendik baqylaýdy uıymdastyrý eskerilgen

, - dedi Premer-Mınıstrdiń orynbasary – Qarjy mınıstri Erulan Jamaýbaev.

Onyń aıtýynsha, kelisimde energııa resýrstaryn kedendik deklaratsııalaý jáne kedendik baqylaý máselelerindegi tájirıbesi týraly, memleketterdiń keden ister salasyndaǵy ulttyq zańnamasy talaptaryn buzý derekteri jaıynda aqparat almasý qarastyrylǵan.

Osy kelisimdi ratıfıkatsııalaý bizdiń elimiz úshin áleýmettik-ekonomıkalyq jáne quqyqtyq jaǵynan teris saldarǵa ákep soqtyrmaıdy jáne respýblıkalyq bıýdjetten qosymsha qarajat bólýdi talap etpeıdi

, - dedi mınıstr.