Qazaq-ózbek shekarasyndaǵy «Jibek joly» ótkizý beketi jabylady
TAShKENT. KAZINFORM — 2023 jyly jóndeýge jabylǵan qazaq-ózbek shekarasyndaǵy «Qaplanbek — Naýaı» baqylaý-ótkizý beketi búgin jumysyn qaıta bastady, dep habarlaıdy Kazinform agenttiginiń menshikti tilshisi.
— Qazaqstan men Ózbekstan keden qyzmetteriniń kelisimi boıynsha «Qaplanbek» ótkizý pýnkti jaıaý júrginshiler, jeńil avtokólik jáne avtobýstardy ótkizý úshin ashylady. Bul sheshim Ózbekstan tarapyndaǵy «Gısht-Kýprık» ótkizý pýnktiniń (Qazaqstan tarapynda «Jibek joly») 1 aqpannan bastap 2 aıǵa jabylýyna baılanysty qabyldandy, — dep málim etti Qazaqstannyń Ózbekstandaǵy elshiliginen.
Tıisinshe, qos eldiń keden qyzmetteri azamattarǵa saparyn aldyn ala josparlaýdy usyndy.
Aıta keteıik, qazirgi tańda eki el arasyndaǵy shekaralarda kólikterge arnalǵan kelesi baqylaý-ótkizý beketteri jumys istep tur: «Qonysbaev» — «ıAllama», «Qazyǵurt» — «Nadjımov», «Atameken» — «Gúlistan».
Eske salaıyq, Qazaqstan men Ózbekstan júk tasymaly máselesin sheshýmen aınalysatyn jedel shtab qurmaq.
Sonymen qatar, taıaýda qazaq-ózbek shekarasynda keden termınaly ashylady. 6 gektardy aýmaqty qamtyp jatqan nysan zamanaýı tekserý, rásimdeý qurylǵylarymen jabdyqtalǵan.