Qazaq-ózbek shekarasynda munaı ónimderin zańsyz ótkizýge arnalǵan týnnel anyqtaldy
Túrkistan oblysy prokýratýrasynyń bastamasy jáne úılestirýimen óńirdegi Ekonomıkalyq tergeý jáne UQK departamentteri, Ózbekstan Respýblıkasynyń quqyq qorǵaý organdarynyń yntymaqtastyǵy arqyly qylmystyq toptyń qyzmeti toqtatylyp, munaı ónimderin kontrabandalaýǵa arnalǵan týnnel joıyldy.
Atap aıtqanda, adamdar toby qazaq-ózbek shekarasynda uzyndyǵy 450 metrlik týnnel salǵan.
- Osy týnnel arqyly kún saıyn kólemi 5-7 tonna janar-jaǵarmaı materıaldaryn kontrabandalyq jolmen shyǵaryp, zańsyz áreketteri shamamen eki aıǵa sozylǵan.
Arnaıy sharalarmen qylmystyq toptyń barlyq músheleri, onyń ishinde Ózbekstan azamattary da belgili boldy, - dep jazy baqylaýshy organnan.
Maǵynalas is-sharalardy Ózbekstannyń quqyq qorǵaý organdary memlekettik shekaranyń mańyndaǵy aımaqta ótkizdi.
Sonymen qatar, kórshi memleketten eksporttalǵan janarmaıdyń aqsha aýdarý shemasy anyqtaldy.
Transulttyq qylmystyq toptyń músheleri Qazaqstan aýmaǵynda da, Ózbekstan aýmaǵynda da ustaldy.
Qazirgi ýaqytta sotqa deıingi tergep-tekserý júrgizilýde.