Qazaq-orys shekarasynda PTR anyqtamasy joq 11 sheteldik elge kirgizilmedi
«Sońǵy táýlikte shekara arqyly 684 adam ótken, sonyń ishinde 454 jaıaý adam jáne 230 fýra júrgizýshisi bar. Karantın statsıonaryna 7 qazaqstandyq azamat jatqyzyldy. Kólik ótkelderinde koronavırýstyń anyqtalǵan oqıǵalar bolǵan joq. PTR-testileriniń teris qorytyndysy bar anyqtamalardy usynbaǵan Reseı Federatsııasynyń 11 azamatyna Qazaqstanǵa kirýge tyıym salyndy», - dep habarlady Pavlodar oblystyq sanıtarlyq-epıdemıolgııalyq qadaǵalaý departamentinen.
Pavlodar oblysynda adamdar qozǵalysyn baqylaý monıtorıngi memlekettik shekaradan ótkizýdiń tórt avtomobıl pýnktinde jalǵastyrylyp keledi, dep qosyp ótti departamentten.
Shekteý engizilgennen beri, aımaqqa 193 776 adam keldi.
Bul kezeńde 41 033 PTR-zertteý ótkizilip, aýrý belgileri bolmaǵan 262 syrttan ákelingen oqıǵa anyqtalǵan.
