Qazaq óneriniń sańlaqtary: Shámil Ábiltaev
ASTANA. QazAqparat - Shámil Ábiltaev - dombyrashy, kompozıtor, kúıshi, Qazaqstannyń eńbek sińirgen qaıratkeri. 1948 jyly Atyraý oblysynda týǵan. Qurmanǵazy atyndaǵy Almaty memlekettik konservatorııasyn (Q. Jantileýov pen K. Muhıtovtyń dombyra klasyn) bitirgen.
Ábiltaev dombyrada tórt jasynan bastap oınap keledi. Birinshi ustazy - ákesi bolǵan. Onyń dombyrashy retinde qalyptasýyna Kósheli, Kámesh, Serkebaı sııaqty belgili kúıshiler úlken yqpal etken. Ol Qurmanǵazy, Dına, Abyl, Mámen kúılerin sheber oryndaıdy. Sońǵy jyldary kompozıtor retinde de tanyla bastady. Ol - qazaqstandyqtarǵa jaqsy tanymal kúıler men ánderdiń avtory. 1972-75 jyldary Qazaq memlekettik fılarmonııasynda kúıshi-lektor retinde qyzmet istedi. 1975-85 jyldary shyǵarmashylyqpen aınalysady jáne Qazaq radıosynyń bas redaktory (1985-88 jyldary), al 1994 jyldan halyqaralyq Qurmanǵazy qorynyń tóraǵasy bolǵan. "Ulytaý" atty kúı-kitaby men "Ordabasy" deıtin kúıtabaǵy shyqty. Qazaq televızııasy boıynsha "Ykili dombyra", "Dombyra dastan" baǵdarlamalaryn júrgizdi. Ábiltaev - "Domalaq ana", "Shaqshaq Jánibek", "Beket-Ata", "Qydyr kezgen Qyzylqum", "Elbasy" kúıleriniń, "Qoja Ahmet Iasaýı", "Jer urany - Ulytaý", "Ordabasy", "Qurmanǵazy - kúı dúldúli", "Mustafa Shoqaı týraly tolǵaý", "Túrkistan" mýzykalyq-tolǵaýlarynyń avtory. Qazaqstan Lenın komsomoly syılyǵynyń laýreaty (1980 jyly). 1994 jyly Izmır qalasynda (Túrkııa) ótken túrik halyqtarynyń dúnıejúzilik quryltaıynda ozan(jyrshy) ataǵyn alǵan.« Jastar odaǵy» syılyǵynyń ıegeri (1980). 1994 jyly Túrkııanyń Izmır qalasynda ótken túrik halyqtarynyń dúnıejúzilik quryltaıynda ozan ( jyrshy- jarshy) ataǵyn alǵan. Ábiltaıdyń kompozıtorlyq shyǵarmalary negizinen tarıh taǵylymyna basa nazar aýdarýmen ári ony qazaq eliniń táýelsizdigimen ushtastyrý bolyp tabylady. Ábiltaı Oǵylandydaǵy áýlıe kúmbezinde túnegende «Beket ata» kúıin shyǵarǵan.
