Qazaq óneriniń sańlaqtary: Maqpal Júnisova
ASTANA.QazAqparat - Júnisova Maqpal - ánshi (dramalyq soprano). Qazaqstannyń halyq ártisi, Qazaqstannyń Memlekettik syılyǵynyń laýreaty.
1964 jyly 11 qańtarda Qaraǵandy oblysy Egindibulaq aýdany Terekti aýylynda týǵan.
A. Jubanov atyndaǵy qazaq mýzykalyq mektep-ınternatyn jáne ál-Farabı atyndaǵy Shymkent mádenıet ınstıtýtyn bitirgen.
Shyǵarmashylyq qyzmetin "Gúlder" ansambliniń quramynda halyq ánderin oryndaýshy bolyp bastaǵan, munan soń "Qazaqkontsert" birlestigi janynan "Nazerke" ansamblin uıymdastyrady. Onyń repertýarynda qazaqtyń halyq ánderi, qazirgi zamandyq qazaq kompozıtorlary Sh. Qaldaıaqovtyń, Á. Beıseýovtiń, B. Tájibaevtyń, E. Belǵozııaevtiń shyǵarmalary bar. Maqpal Júnisovanyń oryndaýyndaǵy "Ǵashyq júrek", "Qyz ǵumyr", "Farıza qyz", "Qoshtasý" ánderi halyqtyń súıikti ánderine aınaldy.
