Qazaq óneriniń sańlaqtary: Maǵaýııa Hamzın
ASTANA. QazAqparat - Maǵaýııa Hamzın (1927-2000) - dombyrashy, kompozıtor-kúıshi, QazSSR-niń halyq artisi. 1927 jyly Jezqazǵan oblysynda týǵan. Almaty mýzykalyq ýchılışesin bitirgen, Hamıt, Áshirbek, Aqqyz sııaqty ánshi-kúıshilerden dombyra ónerin úırengen.
M. Hamzın repertýarynda Táttimbettiń "Sarjaılaý" kúıi, Toqanyń, Daırabaıdyń, Aqqyz ben Qazaqstannyń basqa halyq kompozıtorlardyń kúıleri bar. Ol shertpe kúıdiń sheberi. M. Hamzın Motsarttyń, Bramstyń, Rahmanınovtyń klassıkalyq shyǵarmalaryn tuńǵysh ret dombyrada oryndaýshy. Kompozıtor - kúıshiniń dombyrasy da onyń oryndaý máneri sııaqty - erekshe qurylymdy jáne tolyq daýysty. Hamzınniń shyǵarmashylyǵy Qazaqstandyqtar arasynda jaqsy tanymal ári súıikti. Onyń shyǵarmalarynan belgilileri: "Qos basar","Kosmanavtar", "Jaılaý","Jarys", "Jas qazaq" kúıleri jáne basqalary.
1949 jyly Almaty mýzykalyq ýchılışesin bitirdi.
1944 jyly Qaraǵandy fılarmonııasyna qabyldandy. Osy kezeńde kúıshi dombyra óneriniń qyry men syryn jete meńgerdi.
1949 - 1952 jáne 1958 - 1961 jyldary Qazaqtyń halyq aspaptar orkestrinde qyzmet etti.
1952 - 1957 jyldary Balqash mys korytý z-tynyı kórkemóner-pazdar ujymyn basqardy.
1961 jyldan "Qazaqkontsertte" jeke dombyrashy.
Maǵaýııa 10 jasynan-aq kúıshiliktiń jolyna túsedi. Jyldar óte ol oryndaýshylyqtyń ózindik úlgisin tanytady kúıshilikti ábden meńgerip dombyranyń qulaǵynda oınaý dárejesine jetedi. Á.Hasenov pen T.Mombekovterge qaraǵanda onyń dombyrashylyǵy basty negizgi kásibi boldy.
Ol uzaq jyldar boıy «Qazaqkontsertte» solıst boldy. Osy mamandyq boıynsha Qaraǵandy fılarmonııasynda, Qurmanǵazy atyndaǵy halyq aspaptary orkestrinde, Balqash kenshiler Mádenıet Saraıynda istedi. M.Hamzın birneshe tamasha kúılerdiń avtory.
1979 jyly maıtalman kúıshige Qazaq KSR-ń halyq ártisi qurmetti ataǵy berildi.
1998 jyly Qurmanǵazynyń týǵanyna 175 jyldyq torqaly toıyna arnalǵan «Qurmanǵazy jáne Uly Dala sazy» atty túrki halyqtarynyń dástúrli sazyna arnalǵan Halyqaralyq festıvalinde M.Hamzın áıgili dombyrashy tókpe kúıshi Rysbaı Ǵabdıev ekeýi «Dástúrli mýzyka ónerine sińirgen asa zor úzdik eńbegi úshin» atty júldege ıe boldy.
