Qazaq óneriniń sańlaqtary: Qaırat Baıbosynov
ASTANA. QazAqparat - Qaırat Baıbosynov - ánshi (barıton). Qazaqstannyń halyq ártisi. 1950 jyly Jezqazǵan oblysynda týǵan. 1969 jyly qazaqtyń estradalyq stýdııasyn bitirdi.
Onyń ustazy ataqty ánshi, Memlekettik syılyqtyń ıegeri, QazSSR-niń halyq ártisi Júsipbek Elebekov. Shyǵarmashylyq joly «Gúlder» jastar ansamblinen bastalǵan. Jas ánshiniń maqpaldaı jumsaq, jaıly barıton daýsyn Qalı Baıjanov asa joǵary baǵalaǵan.
Q. Baıbosynovtyń repertýary baı jáne árqıly, ol: qazaq ánderi "Ardaq", "Qarǵash", "Surjekeı", "Alqońyr", halyq kompozıtorlary Birjan saldyń, Aqan seriniń, Mustafanyń, Estaıdyń, Ybyraıdyń, Jaıaý Musanyń ánderi, qazirgi kompozıtorlar ánderi («Asylym»). Ol buryn - sońdy sahnada oryndalmaǵan 60- tan asa qazaq ánderin tuńǵysh oryndaǵan ánshi. Qaırat Baıbosynovtyń ózindik oryndaý máneri qazaqtyń án ónerindegi aıshyqty iz, qaıtalanbas qoltańba bolyp tabylady.
Umyt bolǵan, sırek oryndalatyn ánderdi qalpyna keltirip, halyq arasyna taratýda eleýli eńbek etýde. Kontserttik saparmen AQSh, Japonııa, Germanııa,Frantsııa, Ispanııa, Italııa, Túrkııa, Qytaı, Bırma, Sıngapýr, t.b. elderde bolyp, ulttyq ónerimizdi shet el tyńdaýshylaryna tanytty. Qazaqstan Lenın komsomoly syılyǵynyń ıegeri (1980).
