Qazaq óneriniń sańlaqtary: Ǵazıza Jubanova
ASTANA. QazAqparat - Jubanova Ǵazıza (1927-1993)- kompozıtor, Qazaqstannyń jáne SSRO-nyń halyq artısi, QazSSR Memlekettik syılyǵynyń laýreaty, professor.
Qazaqtyń qazirgi zamandyq mýzykasynyń negizin qalaýshy A.Jubanovtyń qyzy. Gnesınder atyndaǵy Máskeý mýzykalyq ýchılışesin, P.I.Chaıkovskıı atyndaǵy Máskeý memlekettik konservatorııasyn, professor ıÝ. A.Shaporınniń kompozıtsııa klasyn bitirgen.
Jubanova - ózin ulaǵatty ustaz retinde tanytqan tulǵa. Onyń shákirtteri - E.Serkebaev, S.Kabırova, T.Muhamedjanov jáne t. b. Konservatorııa rektory retinde ol ulttyq kadrlar - mýzykant-oryndaýshylar men mýzykatanýshylardyń qalyptasýyna yqpal etti. Olardyń birnesheýi álemdik ataqqa ıe boldy. Mysaly, A.Musahodjaeva, G. Myrzabekova, G.Qadyrbekova, J. Áýbákirova, T.Ábdirashev jáne taǵy basqalar.
Jubanovanyń yqpalymen mýzykalyq mektepter qurýy, folklor jáne kompozıtorlyq shyǵarmashylyq máseleleri boıynsha dıssertatsııalar qorǵala bastady. Jubanova- óziniń talantyn barlyq janrda tanytqan shyǵarmashylyq dıapazony keń kompozıtor. Onyń mýzykasy respýblıkadan tys jerlerde de jaqsy tanymal. Ol - únemi izdenis ústindegi sýretker boldy. Ǵ.Jubanovanyń mýzykasy arqyly qazaq mýzyka mádenıeti basqa halyqtarǵa belgili boldy. Ol - "Batyrlyq poemasy" sımfonııalyq poemasyn, "Jiger" sımfonııasyn, "Eńlik- Kebek", "Jıyrma segiz" operasyn, "Aq qus týraly ańyz" baletin, kantatalar, romanstar, estradalyq mýzyka, teatr men kınoǵa arnalǵan mýzykalar jazdy. Olardyń barlyǵyn mýzykalyq oılaý júıesiniń birtutastyǵy, naqtylyqtan jalpyǵa birtindep kóshý, vokaldy oryndaýdan aspapty oryndaýǵa aýysý, sezimniń kórnektiligi, taqyryptyq materıaldyń ashyqtyǵy, ulttyq boıaý, aýqymdylyq, epıkalyq keńdik jáne mýzykalyq obrazdardyń qarama - qaıshylyqty minezderi biriktiredi..
