Qazaq óneriniń sańlaqtary: Dánesh Raqyshev
ASTANA. QazAqparat - Dánesh Raqyshev (1926-1992) - ánshi, kompozıtor. Qazaqstannyń halyq artısi. Án aıtý men dombyrada oınaýdy ata-anasynan úırenedi. Onyń ákesi - ánshi, dombyrashy, syrnaıshy bolǵan. D. Raqyshev ánshi aqyndar Áset, Shashýbaımen kezdesip, Shyǵys Túrkistandyq jas qazaq ánshileriniń saıysyna qatysyp, óz ónerin shyńdaıdy.
Quljadaǵy uıǵyr-qazaq drama teatrynda jumys isteı júrip, B. Maılınniń "Shuǵa" spektaklderindegi Ábdirahman, M. Áýezovtyń "Eńlik-Kebegindegi", Japal, Qalqamannyń beınelerin jasady.
1959 jyly Qazaqstanǵa kelgen soń Taldyqorǵan halyq teatryna basshylyq jasaıdy.
1968 jyldan Taldyqorǵan oblystyq fılarmonııasynyń solısi. Onyń repertýarynda qazaq, uıǵyr, qyrǵyz, ózbek, tatar ánderi bar. M.Erjanov, J.Elebekov sııaqty ánshilerdiń oryndaýshylyq dástúrin jalǵastyrdy.
Onyń repertýarynda Úkili Ybyraıdyń "Ańshynyń áni", Ásettiń "Ardaq", "Maqpal", "Atym Áset", "Hysmet", "Aha-aý, jalǵan", "Jaıqońyr" ánderi, qazirgi qazaq kompozıtorlarynyń ánderi bolǵan. R. "Shattyq tolqyny", "Maqtanyshty elim bar", "Jas qaırat", "Jer sulýy Jetisý", "Komsomol", "Saıasynda almanyń", "Jeńeshe", "Týǵan jer", "Almatym", t.b. ánderin shyǵarǵan.
