«Qazaq Messıi» «Ýfamen» kelisimshartqa qol qoıdy
ASTANA. QazAqparat - Qazaqstandyq fýtbolshy Erkebulan Seıdahmet búgin Reseı chempıonatynda oınaıtyn «Ýfa» klýbymen kelisimshartqa qol qoıdy, dep habarlaıdy «SPORTINFORM» SAA.
«Tarazdan» shyqqan jas daryn ıesi ótken aıdan beri reseılik klýbtyń qaralymynan ótken soń, oǵan uzaq merzimdi kelisimshart usynyldy. Buǵan deıin «Qazaqtan shyqqan Messı» atanyp úlgergen fýtbolshyny Reseıdiń ekinshi chempıonatynda óner kórsetetin «Zenıt» komandasy da óz qataryna qosýǵa áreket jasaǵan edi.
Taıaýda ǵana 18-ge tolǵan Erkebulan ótken maýsymda «Tarazdyń» namysyn qorǵap, QPL-da ótkizgen 15 kezdesýde 1 gol soqty. «Ýfa» komandasy Erkebulandy qazirdiń ózinde álemniń úzdik fýtbolshylarynyń biriniń esimimen «Leo» dep atap júr.
