«Qazaq Messıi» reseılik «Ýfa» klýbyna ketetin boldy
ASTANA. QazAqparat - Qazaqstan fýtbolynyń úmiti sanalatyn Erkebulan Seıdahmettiń reseılik «Ýfa» klýbyna ketýi múmkin degen aqparatqa qatysty pikir aıtyldy, dep habarlaıdy «QazAqparat» HAA Sports.kz saıtyna silteme jasap.
Atalǵan aqparatqa qatysty pikirdiń qanshalyqty shyndyqqa janasatynyn tarazdyq «Montajnık» fýtbol klýbynyń negizin qalaýshy, Georgıı Hýtıdı rastady.
Onyń aıtýynsha, reseılik BAQ «qazaq Messıi» dep at qoıǵan Erkebulan qańtardyń ortasynda «Ýfa» oıynshylarymen birge Kıprge oqý-jattyǵý jıynyna ketedi eken. Al aqpan aıynda Erkebulan Seıdahmet 18 jasqa tolady. Kámelet jasyna tola salysymen reseılik klýb tarazdyq oıynshymen kelisimshart jasaspaq.
