Qazaq memlekettik zań ýnıversıteti janynan ǵalymdar klýby qurylmaq
ASTANA. 7 aqpan. QazAqparat - Astanada Qazaq memlekettik zań ýnıversıtetiniń bazasynda «Akademık» atty ǵalymdar klýby qoǵamdyq birlestigi qurylmaq. Bul týraly joǵary oqý ornynyń baspasóz qyzmeti habarlady.
Jańa qurylym ýnıversıtettiń rektory, professor Maqsut Nárikbaevtyń bastamasymen ashylmaqshy. Klýbqa arnap ýnıversıtette arnaıy jabdyqtalǵan bólme jasaqtaldy. Onyń tanystyrylymy erteń, 8 aqpanda osy oqý ornynda ótedi.
Klýb qyzmetiniń maqsaty - Qazaqstanda ǵylymdy damytýǵa, neǵurlym mańyzdy jáne bolashaǵy zor ǵylymı zertteýler men ǵylymı-tehnıkalyq jasalymdardy júzege asyrýǵa, el ekonomıkasyna ǵylymı-tehnıkalyq qyzmet nátıjelerin engizýge, ǵylymı-ınnovatsııalyq qyzmetti damytýǵa barynsha járdemdesý bolmaq.
Klýbtyń alǵashqy quryltaı otyrysyna QR Ulttyq ǵylym aademııasynyń akademıkteri men múshe-korrespondentteri shaqyryldy. Alǵashqy basqosýda klýb prezıdentin saılaý, Jarǵysyn bekitý jáne basqa da uıymdastyrý sharalary qaralady.
