Qazaq memlekettik tsırki «Shyǵys tsırki» atty halyqaralyq jańa qoıylym ázirledi
ALMATY. QazAqparat- Almatyda 28 qyrkúıekten bastap, Qazaq memlekettik tsırkinde «Shyǵys tsırki» atty halyqaralyq jańa kórsetilim qoıylady. Bul týraly baspasóz máslıhatynda tsırk dırektory Baqyt Bókebaev aıtty, dep habarlaıdy QazAqparat tilshisi.
Baqyt Bókebaevtyń aıtýynsha, «Shyǵys tsırki» atty jańa qoıylymda tsırktiń barlyq janrlary qamtylǵan. Áýe gımnastıkasy, akrobatıka, ekvılıbrıstıka, ıllıýzııa, kúsh atletıksy, saıqymazaq jáne dressýra bar.
«Qazaq memlekettik tsırki jańa baǵdarlama ázirledi. Qoıylymnyń ereksheligi bul halyqaralyq baǵdarlama. Munda biz arnaıy Kýba men Reseı elinen tsırk sheberlerin shaqyrttyq. Kórermenderdi bas aınalatyn trıýkter, tańǵajaıyp sıqyr, janýarlar, rııasyz kúlki kútýde»,- deıdi Baqyt Bókebaev.
«Shyǵys tsırki» halyqaralyq baǵdarlamasynda qazaq memlekettik tsırk ártisterimen birge sheteldik tsırk sheberleri de óner kórsetedi.
«Men Almaty jurtshylyǵy aldynda óner kórsetetinime óte rızamyn. Men bul ásem qalaǵa ekinshi ret kelip otyrmyn. Árıne kórermenderdi tań qaldyrǵymyz keledi. Men saıqymazaqpyn maǵan aýyr júk artyldy. Kishkentaı kórermenderiminiń kóńilinen shyǵý meniń basty maqsatym. Bar ónerimdi salýǵa ázirmin»,- dedi reseılik tsırk ártisi Andreı Popylovskıı.
Qoıylym uzaqtyǵy úzilispen 2 saǵat 20 mınýt.
