Qazaq Memlekettik tsırki 40 jyldyǵyn atap ótti

Eki bólimnen turǵan mereıtoılyq baǵdarlamada Reseı, Belarýs, Ýkraına, Ózbekstan, Qytaı jáne Japon elderiniń ártisteri óner kórsetti. Ár el eń áserli, ádemi degen bir qoıylymdaryn usyndy. Atalmysh elderdiń tsırk prezıdentteri de tsırktiń mereıtoıyna arnaıy qatysty. 2160 adamdy syıǵyza alatyn tsırktiń ishi halyqqa lyq toldy. Festıvaldiń ashylý saltanatynda qala ákiminiń orynbasary Serik Seıdýmanov tsırk ujymyna shyǵarmashylyq tabys tilep, qala ákimi Ahmetjan Esimovtyń quttyqtaý hatyn tabys etti.

Ashylý saltanatynda sóz sóılegen tsırk ardageri Qadyrhan Aqyshuly: "Shyn júrekten tsırk ujymy jáne tsırk ardagerleri atynan Elbasy N. Nazarbaevqa árqashan mádenıettiń damýyna kóńil bolyp, qamqor kórsetip otyrǵandyǵy úshin alǵysymdy bildirgim keledi. Al, kórermenderge bizdiń ónerimizge degen jyly nıetterińizde kóp rahmet", dedi.

Memlekettik tsırktiń kórkemdik jetekshisi Ýálıhan Shalabaev óz sózinde, "Qazaqstanda myqty tsırk mektebi osydan 40 jyl buryn qalyptasyp, búginde jaqsy damyp otyr. Dúnıejúzi zertteýshileriniń málimeti boıynsha, qazaq tsırki iri derjavalardyń biri sanalady. Tipti, ekonomıkalyq jaǵynan damyǵan Japon elinde de bizdikindeı tsırk mektebi joq. Búgingi ártisterdi tárbıelep shyǵarǵan myqty ustazdardyń arqasynda tsırk jemisin berýde. Men 40 jylda bizdiń tsırkimiz aıaǵynan nyq turdy dep aıta alamyn", dedi. Onyń aıtýynsha, qazaqstandyq ártister shetelge jıi shaqyrý alady. "Ásirese, at ústinde oınaıtyn jigitter. Dúnıejúzi boıynsha olardyń qoıylymyna teń keletin eshkim joq", dep atap ótti Ýálıhan Shalabaev.

Halyqaralyq qoıylym tamyzdyń 24-ne deıin Astana jáne Qaraǵandy qalalarynda jalǵasyn tabady.

Tsırktiń eń alǵashqy ujymy 1970 jyly qurylyp, alǵashqy qoıylym shilde aıynyń 24-de ótken bolatyn. Sodan beri, bul kún - Qazaq tsırkiniń týǵan kúni sanalyp keledi.