Qazaq memlekettiginiń tarıhyn qazaq handyǵymen shekteýge bolmaıdy
ALMATY. 13 shilde. QazAqparat - Búgin Almatyda «Kóshpendiler murasy» halyqaralyq qoǵamdyq qorynyń qurylǵanyna 2 jyl tolýyna arnalǵan quryltaı-konferentsııa ótip jatyr.
Qor qaǵany (prezıdenti) Seıdomar Batyrjannyń aıtýynsha, olardyń basty maqsaty - qazaq halqynyń mádenıetin, tilin damytýǵa atsalysý.
« 11-12 shilde kúnderi atap ótetin ulttyq meıramyn Mońǵolııa eli bıyl Ǵun ımperııasynyń qurylǵanynyń 2222 jyldyǵyna arnady. Edýard Parker degen aǵylshyn túrkologynyń: «skıfter, ǵundar jáne túrkiler bir ǵana taıpanyń ár zamandaǵy ártúrli ataýy» degen sózi bar. Sondyqtan qazaq memlekettiginiń tarıhyn Qazaq handyǵymen shekteýge bolmaıdy», - deıdi S.Batyrjan. Onyń aıtýynsha, qazaq handyǵynyń quramyndaǵy arǵyn, kereı, naıman, qypshaq, úısin sııaqty taǵy basqa da taıpalardyń sonaý erte zamanda óz aldyna jeke memleketteri bolǵan. Erkindiktiń ataýyndaı bolǵan «Qazaq» sóziniń tarıhy Qazaq handyǵynyń qurylýynan buryn paıda bolǵan. Qazaq jerindegi memlekettiktiń tarıhy óte tereńde jatyr. Ol áli tolyq ashylǵan joq.
