Qazaq memlekettiginiń 550 jyldyq mereıtoıyna arnalǵan basty sharalar Shý men Talas ózenderiniń arasynda ótedi - A. Muhamedıuly

ASTANA. QazAqparat - Qazaq memlekettiginiń 550 jyldyq meıreıtoıyna arnalǵan basty sharalar Shý men Talas ózenderiniń aralyǵynda ótedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Mádenıet jáne sport mınıstri Arystanbek Muhamedıuly aıtty.

Onyń aıtýynsha, Qazaq memlekettiginiń 550 jyldyq meıreıtoıyna arnalǵan sharalarǵa qansha qarjy ketetindigi belgisiz. «Qazirgi ýaqytta is-sharalar josparyna sáıkes respýblıkalyq bıýdjetten jáne jergilikti atqarýshy organdar tarabynan, sonymen qatar ózge de qarjy kózderi tartylýda. Men bul is-sharalardyń shyǵyny mol dep aıta almaımyn», - dedi mınıstr.

Onyń aıtýynsha, sharalardyń basym bóligi tarıhı ári ıdeologııalyq baǵytta uıymdastyrylatyn bolady. «Qorytyndy buqaralyq shara qyrkúıek aıynda Shý men Talas aralyǵynda ótkiziledi. Al qalǵany - ǵylymı salaǵa qatysty sharalar. Budan bólek, qazaq handyǵy jaıyndaǵy serıal túsirýge birshama qarjy kerek. Biraq onyń kólemi daıyndyq jumystary aıaqtalǵan soń belgili bolady», - A.Muhamedıuly.