Qazaq mektepteri Reseıdiń qaı óńirlerinde salynady – Ǵanı Beısembaev jaýaby

 ASTANA. KAZINFORM – Búgin Úkimet otyrysynan keıingi brıfıngte Oqý-aǵartý mınıstri Ǵanı Beısembaev Reseıde 3 qazaq mektebin salý máselesine qatysty pikirin bildirdi.

BAQ ókilderi mınıstrden Astrahan oblysynda, Orynbor men Tombyda qazaq mektebi ashylatyndyǵy aıtylǵanyn, másele qalaı júrgizilip jatqanyn suraǵan edi.

- Óńir derekteri zerdelenip jatyr. Bul bútindeı kelissóz protsesi. Shamamen qalalar anyqtalǵan. Kelesi kezeń – ornyn anyqtaý. Qala tańdalǵan kezde qazaq baýyrlarymyz kóp shoǵyrlanǵan jerlerinde mektep salý basty maqsat retinde qarastyrylady. Bul qalalardyń tańdalýy da, sol jerde mektep salý da pysyqtalyp jatyr. Áli de birshama ýaqyt alady. Óıtkeni, jerin anyqtaý, kelisimshartqa qol qoıý, odan keıin qarjysyn sheshý, qurylysy qandaı bolatyndyǵyn anyqtaýǵa birshama ýaqyt ketedi. Biraq, mektep salý boıynsha sheshim qabyldanǵan. Osy baǵytta eki tarapta da jumys júrgizip jatyr, - dedi Ǵanı Beısembaev.

Eske salsaq, Qazaqstan Prezıdenti Qasym-Jomart Toqaev «Izvestııa» gazetine jarııalanǵan maqalasynda Reseı qalalarynda Qazaqstan mektepteri ashylatynyna senetinin aıtqan edi.