«Qazaq mektebi túlekteriniń quqyqtary buzylmasyn» - respýblıkalyq basylymdarǵa sholý
***
Keshe Astanada otandyq buqaralyq aqparat quraldary damýynyń ózekti máseleleri jáne aqparattyq jumystardyń basyńqy baǵyttary týraly respýblıkalyq keńes boldy. Oǵan Prezıdent Ákimshiliginiń, Premer-Mınıstr Keńsesiniń, Mádenıet jáne aqparat mınıstrliginiń jaýapty qyzmetkerleri, respýblıkalyq jáne aımaqtyq buqaralyq aqparat quraldarynyń basshylary qatysty. Keńes jumysyn Prezıdent Ákimshiligi Basshysynyń orynbasary Baǵlan Maılybaev ashyp, júrgizip otyrdy. Osy alqaly jıyn arqaý bolǵan maqala «Egemen Qazaqstan» gazetiniń senbilik sanynda «Táýelsiz eldiń tilshisi - jasampaz istiń jarshysy» degen taqyryppen berilgen. «Barshańyzǵa belgili, Elbasy N.Nazarbaevtyń: «Táýelsiz Qazaqstannyń tilshisi jasampaz eldiń jarshysy bolýy kerek», degen sózi bar. Al jýrnalıster aqparatty elge qalaı jetkizse, qarapaıym halyq ony sol kúıinde qabyldaıdy. Sondyqtan, mundaı mindet aqparat quraldary ókilderine úlken jaýapkershilik júkteıdi. Budan túıindeletin túıin ne? Túıin sol, jýrnalıster qaýymy eldegi ózekti degen aqparattar men jańalyqtardy udaıy shynaıy qalpynda, oqıǵanyń óńin aınaldyrmaı berip turýlary tıis», - depti B.Maılybaev jıyn barysynda.
«Májilistiń jalpy otyrystarynyń birinde depýtat Almas Turtaev Bilim jáne ǵylym mınıstri Baqytjan Jumaǵulovtyń atyna saýal joldap, qazaq mektebin bitirýshi túlekterdiń quqy buzylyp otyrǵandyǵy týraly faktini jarııa etken edi», - dep jazady «Egemen Qazaqstan» gazeti «Qazaq mektebi túlekteriniń quqyqtary buzylmasyn» degen taqyryptaǵy maqalasynda. Halyq qalaýlysynyń alǵa tartqan derekterine qaraǵanda, 2011 jyly mektep bitirgenderdiń 91 018-i bilim berý grantynan úmitker bolsa, sonyń 62 912-si, ıaǵnı 73 paıyzy qazaq mektebiniń túlekteri eken. Al bıylǵy 117 432 úmitkerdiń 81 027-si qazaq tilinde bilim alǵandar bolǵan. ıAǵnı, 69 paıyzy. «Biraq, soǵan qaramastan, qazaq tilinde mektep bitirýshilerdiń memlekettik bilim grantyndaǵy paıyzdyq úlesi 60 paıyzdan aspaýda. Jyl saıyn osy úrdistiń qaıtalaný sebebinen qazaq mektebin bitirýshi túlekterdiń quqyqtary buzylýda», deıdi depýtat.
***
«Búgingi jas urpaq Turardy, Baýyrjandy kórgen joq. Biraq olar iri bolmysy, dara tulǵasy jóninen solardyń zańdy jalǵasyndaı bolyp, jandarynda Sherhan Murtazanyń júrgeni úshin de baqytty. Óıtkeni Sheraǵań - ózi «Qyzyl jebe» dep úkilegen Turar Rysqulovtyń qaıratkerligi men Baýyrjan aǵasynyń júrektiligi, tektiligi, onyń syrtynda qazaqy bıik óre, kesek minez qatar daryǵan bólekshe bitim ıesi», - dep jazady «Alash aınasy» búgingi sanyndaǵy «Qyzyl jebeniń» synyǵy - 80-de...» degen taqyryptaǵy maqalasynda. Basylymnyń atap ótýinshe, jazýshy ómiriniń keıbir tustary keıipkeri - Turardyń taǵdyrymen uqsas. Ákesi qýǵyn-súrginniń qurbany bolǵan Sheraǵań ómir taýqymetin tym erte tartty. Qabyrǵasy qatpaı jatyp, eńbekke aralasty. Balalyq shaǵy soǵystyń qıyn-qystaý kezeńimen tuspa-tus keldi. Qarymdy qalamger, qaıratker tulǵa Sherhan Murtazanyń sodan kúni búginge deıin óziniń kúlli qajyr-qaıratyn qazaq baspasóziniń ıgiligine jumsap kele jatqandyǵyna qalyń jurtshylyq kýá.
***
«Aıqyn» gazetiniń jazýynsha, otandyq transplantatsııa máselesi ońtaıly sheshimin taýyp keledi. Jyl basynan beri 4 baýyr transplantatsııasy jasalsa, A.Syzǵanov atyndaǵy ulttyq ǵylymı hırýrgııa ortalyǵy júrek transplantatsııasyn jasaýǵa daıyn. áıtse de mamandar men tehnıkalyq baza saırap tursa da, qajetti donor joq. Statıstıkalyq derekterge súıensek, 1200-ge jýyq naýqas baýyr transplantatsııasyn jasatýdy qajet etedi. ıAkı jylyna eki myńǵa jýyq adamnyń júrek, baýyr, búırek sııaqty aǵza músheleri aıyqpas dertke shaldyǵady. Bul jaınyda tolyǵyraq «Aǵzańyzdyń múshesin aýystyrasyz ba?» degen taqyryptaǵy maqalaǵa nazar salyńyz.
***
«Keshe Memleket basshysy Nursultan Nazarbaev Syrtqy ister mınıstrliginiń basshylyq quramyna jańa mınıstr Erlan Ydyrysovty tanystyrdy», - dep jazady «Kazahstanskaıa pravda» gazeti. Elbasy kezdesýdi ashqannan keıin búginde Syrtqy ister mınıstrliginiń aldynda jańa ýaqyttyń talabyna sáıkes jańa mindetter turǵanyn atap ótti. «Men Erjan Qazyhanovtyń Qazaqstannyń Islam Konferentsııasy Uıymyna tóraǵalyǵy aıasynda atqarǵan qyzmeti úshin oǵan alǵysymdy bildiremin. Musylman elderinde qalyptasqan jaǵdaıdyń qıyndyǵyna qaramastan, biz bul mıssııany jaqsy atqardyq dep esepteımin. Erlan Ydyrysov Syrtqy ister mınıstrliginiń basshylyǵynda buryn jumys istedi, sondaı-aq kóp jyl Londonda jáne Vashıngtonda elshi boldy, osy ýaqytta mol tájirıbe jınady. Endi sol tájirıbesin halyq pen eldiń ıgiligi úshin paıdalaný qajet», - dep atap ótken Memleket basshysy sondaı-aq syrtqy ekonomıkalyq máselelerdi sheshýge erekshe nazar aýdarý qajettigine toqtaldy.
