Qazaq mádenıetiniń kórnekti qaıratkeri ıÝrıı Aravın ómirden ozdy

ASTANA. KAZINFORM — Qazaq mádenıetiniń kórnekti qaıratkeri ıÝrıı Aravın ómirden ozdy. Qaraly habardy Mádenıet jáne aqparat mınıstri Aıda Balaeva jetkizdi. 

— Qazaq mádenıetiniń kórnekti qaıratkeri, «Parasat» jáne «Otan» ordenderiniń ıegeri, Qazaqstan Kompozıtorlar odaǵynyń múshesi, professor ıÝrıı Petrovıch Aravın ómirden ozdy. Qaıratker tulǵanyń otbasy men týǵan-týystaryna, shákirtteri men áriptesterine qaıǵyra kóńil aıtamyn. ıÝrıı Petrovıchtiń esimi halqymyz úshin asa qadirli. Ol qazaqtyń halyq mýzykasyn keńinen nasıhattaǵan tanymal tulǵalardyń biri edi. Ulttyq mádenıetke bar jan-tánimen berilgen azamat retinde folklorlyq muralardy jınaqtaý maqsatynda kóptegen ǵylymı-shyǵarmashylyq ekspedıtsııanyń bastamashysy boldy. Kóptegen kóne mýzykalyq týyndyny jańǵyrtyp, ǵylymı júıege túsirdi, — dep jazdy mınıstr Facebook paraqshasynda. 

Onyń atap ótýinshe, ıÝrıı Aravın qazaq mýzykasyna, halyq kompozıtorlary men aqyndarynyń murasyna arnalǵan birqatar teleradıo baǵdarlamasyn jasady. Qazaq folkloryna shyn júregimen ǵashyq, talantty mýzykatanýshy retinde halqymyzdyń dástúrli mýzykasynyń baı álemin tyńdarmanǵa jańa qyrynan tanytty.

— ıÝrıı Petrovıch óz ómirin ónerge, ult mádenıetine arnap, tutas bir shyǵarmashylyq býyndy tárbıelegen ulaǵatty ustaz boldy. Qaıratkerdiń jarqyn beınesi, rýhanııatymyzǵa sińirgen ólsheýsiz eńbegi halyq júreginde máńgi saqtalady dep senemin. Marqumnyń jatqan jeri jaıly, topyraǵy torqa bolsyn, — dedi Aıda Balaeva.