Qazaq mádenıetin shetelde nasıhattaıtyn «Máńgilik mura» atty jobasy qolǵa alynady

ASTANA. QazAqparat - Qazaq mádenıetin shetelde nasıhattaıtyn «Máńgilik mura» atty jobasy qolǵa alynady. Bul týraly búgin Astanada Ortalyq kommýnıkatsııalar qyzmetinde ótken baspasóz máslıhatynda QR Mádenıet jáne sport mınıstri Arystanbek Muhamedıuly málim etti.

«Elimizdiń tarıhı-mádenı damýyna jalpyulttyq «Máńgilik mura» atty mádenı jobasynyń qolǵa alynýy serpin beredi. Bunyń aldynda iske asyrylǵan «Mádenı mura» baǵdarlamasyna qaraǵanda, bul joba Qazaqstannyń mádenı murasyn álemdik muralar qorymen yqpaldastyrýǵa baǵyttalǵan», - dep atap ótti ol. «ıAǵnı, bizdiń keremet «Mádenı mura» baǵdarlamamyz ishki birtektiligimizdiń damýyna úles qosqan bolsa, «Máńgilik mura» jobasy Qazaqstan óneri men mádenı qundylyqtaryn álemdik qaýymdastyqqa nasıhattaýǵa baǵyttalǵan», - deıdi mınıstr.