Qazaq mádenıeti shetelde keńinen tanystyrylady - Ǵanı Nyǵymetov

ASTANA. QazAqparat - Eýrazııalyq ıntegratsııa ınstıtýtynyń dırektory Ǵanı Nyǵymetov «Rýhanı jańǵyrý» jobasyn júzege asyrý barysy jaıynda aıtyp berdi, dep habarlaıdy QazAqparat.

«Mádenıet, óner, kınorejıssýra, ádebıet salasyndaǵy shyǵarmalardyń (shet tilderine aýdarý úshin) tizimi aıaqtalýǵa jaqyn dep aıtýǵa bolady. Bul tizim qazirgi kezde qalyptastyrylýda jáne jyl sońyna deıin bekitiletin bolady. Aldaǵy jyly Syrtqy ister mınıstrligi bul shyǵarmalardy álemdik areneda belsendi túrde alǵa nasıhattaıtyn bolady. Bul óz kezeginde álemdik qoǵamdastyqqa Qazaqstannyń mádenıetin keńinen kórsetýge múmkindik beredi», - dedi ol  Astanada rýhanı jańǵyrý taqyrybyndaǵy halyqaralyq ǵylymı-tájirıbelik konferentsııada tilshiler saýalyna jaýap berý barysynda.

Osy oraıda ol búgingi konferentsııa aıasynda sarapshylyq alańda jasalǵan usynystar tyńǵylyqty talqylaýdan ótetinin atap ótti.

«Osynda bul salany jaqsy biletin shyǵarmyshylyqtyń zııaly qaýymynyń, mádenıettanýdyń ókilderi shaqyryldy. Bul rette búgin mádenıet ókilderi men bılik ókilderi arasynda qajetti kópirdi quryp otyrmyz. Bılik tarapy qoǵamnyń barlyq ótinimderin jan-jaqty túsinýi úshin bizdiń ınstıtýt bul alańdy qalyptastyrýda. Atap aıtqanda, «Rýhanı jańǵyrý» jobasy qalaı júzege asyrylyp jatqandyǵy týraly BAQ arqyly keńinen aqparat berilýi kerek dep paıymdaımyn», - dedi Ǵ.Nyǵymetov.