"Qazaq qyzy" jýrnalynyń tanystyrylymy boldy.
ALMATY. 11 naýryz. QazAqparat /Erlik Erjanuly/ - Qazaq baspasózi taǵy bir jýrnalmen tolyqty. Búgin Almatyda qyz-kelinshekterge arnalǵan respýblıkalyq "Qazaq qyzy" jýrnalynyń tanystyrylymy boldy.
"Qazaq qyzyna tárbıe beretin, rýhanı baılyq beretin birde-bir basylymnyń joqtyǵy janymdy jabyrqatty. Qazaq qyzynyń bet-beınesi nege joǵalyp bara jatyr degen oı mazalap, aldyńǵy tolqyn aǵalardan keńes suradyq. Eń aldymen marqum Ázilhan Nurshaıyqov aǵamyzǵa barǵan edik, birden rıza bolyp osy taqyrypty qolǵa alatyn qyzdarymyz tabyldy dep qýandy. Qazaq qyzdary pák mahabbatyń sımvoly bolǵan. Olardy úlgi-ónege etip kórsetetin balalar tabyldy ǵoı dep aq batasyn berdi", - deıdi "Qazaq qyzy" jýrnalynyń shyǵarýshysy Eńlik Erbolqyzy.
Onyń aıtýynsha, búgin 6-shy nómiri shyǵyp otyrǵan bul jýrnal 2010 jyldyń qazan aıynan beri jaryq kórip kele jatyr. Qazir taralymy 7 myń danaǵa jetti. "Qazaq qyzy" jýrnaly ıesiniń sózine qaraǵanda, bul basylymdy shyǵarý onyń bala kezden bergi ishtegi úlken armany bolǵan. Ol qazaq qyzyn qoǵamǵa úlgi-ónege etip nasıhattasaq degen oıdan týǵan dúnıe bolyp otyr.
