Qazaq qyzy túrkitektes halyqtar arasynan tuńǵysh ret ataqty «Shakespeare's Globe» sahnasynda óner kórsetedi (FOTO)
ASTANA. QazAqparat - 2015 jylǵy 1 maýsymda Londonnyń aty ańyzǵa aınalǵan "Shakespeare's Globe" teatrynda «Djon Korol» spektakliniń premerasy bolady, dep habarlandy Almaty qalasy Mádenıet basqarmasynyń facebook paraqshasynda.
Onda basty rólderdiń birin belgili skrıpkashy jáne «Almaty sımfonııalyq orkestriniń» kórkemdik jetekshisi Marat Bısenǵalıevtiń qyzy Arýhan somdaıdy. Birneshe ǵasyrlyq tarıhy bar teatr sahnasynda basty róldi alǵash ret túrki tektes halyqtardyń ishinde bizdiń otandasymyz Arýhan Bısenǵalıeva oryndaıdy.
2015 jylǵy 3 sáýirde Marat Bısenǵalıevtiń basqarýyndaǵy «Almaty sımfonııalyq orkestri» "Primavera Italiana" klassıkalyq mýzykadan Jambyl atyndaǵy Qazaq memlekettik fılormonııasynda kontsert berýdi josparlaýda. Ulybrıtanııanyń birqatar qalalarynda ótetin «Djon Korol» spektakliniń gostroldik saparyna attanbas buryn Arýhan otbasylyq dástúr boıynsha kontsertke kelip, óziniń 92 jastaǵy ájesi Arýhan Júsipovnamen kezdespek eken.
