Qazaq qyzy paradzıýdodan Álem chempıony atandy
ASTANA. QazAqparat – Ázerbaıjan astanasy Baký qalasynda paradzıýdodan ótip jatqan Álem chemıponatynda qazaqstandyq sportshy jeńis tuǵyryna kóterildi, dep habarlaıdy QazAqparat tilshisi.
Baký tórindegi tatamıde 48 keli salmaq boıynsha Qazaqstan namysyn qorǵaǵan Aqmaral Naýatbek aqtyq beldesýde frantsııalyq Aýrerıes Martınet Sandrındi jeńip, Álemchempıony ataǵyn ıelendi.
Bul – táýelsiz Qazaqstan tarıhyndaǵy dzıýdo sportynan áıelder arasyndaǵy álem chempıonatynyń alǵashqy altyn medali.
Atalǵan týrnırdiń fınalyna Erǵalı Shımeı de shyqqan bolatyn. Aıta keteıik, atalǵan baıraqty básekede álemniń 40 elinen 300-den astam sportshy baq synap jatyr.
