Qazaq qyzy Ońtústik Koreıada ótetin aspazdar baıqaýynda el namysyn qorǵaıdy (FOTO)
ASTANA. QazAqparat - Astana turǵyny Juldyz Álkenova tamyz aıynda Ońtústik Koreıada ótetin «Global Taste of Korea Contest 2015» aspazdar baıqaýynda el namysyn qorǵaıdy jáne 10 myń AQSh dollary úshin synǵa túsedi.
Aıta ketý kerek, halyqaralyq baıqaýdy Ońtústik Koreıanyń Syrtqy ister, aýyl sharýashylyǵy jáne azyq-túlik mınıstrligi KBS telekompanııasymen birge uıymdastyrýda. Ol álem boıynsha koreıalyq ashananyń tanymaldylyǵyn arttyrý maqsatynda jasalyp otyr.
Irikteý týrlary álemniń 16 elinde, sonyń ishinde Qazaqstanda da ótkizildi. Jeńimpazdar Koreıa Respýblıkasyna attanyp, 10 myń AQSh dollaryn sarapqa salady.
Qazaqstandaǵy baıqaýdy uıymdastyrýǵa Koreıa mádenıet ortalyǵy uıymdastyrdy. Seriktes - «Korean House» meıramhanasy.
Baıqaýǵa kez kelgen adam qatysýǵa múmkindik aldy. Uıymdastyrýshylardyń aıtýynsha, baıqaýǵa qatysýǵa kásibı aspazdarmen qatar, koreıalyq taǵamdardy unatatyn qarapaıym adamdar da ótinish tastaǵan. Olardyń ishinen aqtyq synǵa 9 adam iriktelgen bolatyn. Búgin olar Koreıaǵa beriler joldamaǵa baq synasty. Ekinshi oryn jeńip alǵan Erlan Qýanyshbaıǵa elektrogrıl buıyrsa, úshinshi orynǵa ıe bolǵan Aızada Boranbaeva asty saqtaýǵa arnalǵan konteınerler berildi.
Baıqaýdan bólek shara barysynda elshi rezıdentsııasynyń bas aspazshysy sheberlik saǵattaryn ótkizdi.
