«Qazaq qyzy» mádenı-ınabattylyq qyzdar ınstıtýty ashyldy (FOTO)
ASTANA. QazAqparat - Búgin Astanada Qazaqstandaǵy alǵashqy «Qazaq qyzy» mádenı-ınabattylyq qyzdar ınstıtýty ashyldy.
«Qazaq qyzy» QB prezıdenti, ınstıtýt jobasynyń avtory Qaraqat Abdenniń aıtýynsha, oqý-tárbıelik ınstıtýttyń maqsaty -qyzdardy ozyq úlgidegi qazaqı jáne eýropalyq qoǵamdyq-ınabattyq dástúrde tárbıeleýge baǵyttalǵan qyzmetti júzege asyrady.
«Bul óte qajetti oqý orny. Osy ıgilikti bastama qoǵamymyzǵa paıdasyn keltiredi. Bul ınstıtýttan tálim alyp shyqqan qyzdar ózderiniń ınabattylyǵymen kózge túsetinine senimdimin»,-dedi mádenı-ınabattylyq qyzdar ınstıtýtynyń ashylýy rásiminde QR Parlamenti Senatynyń depýtaty Birǵanym Áıtimova.
Mádenı-ınabattylyq qyzdar ınstıtýtynyń oqý-tárbıe baǵdarlamasyna oqý materıaldaryn uıymdastyrýdyń modýldik qaǵıdaty negiz bolyp otyr. Modýlder mindetti jáne qosymsha sabaq bolyp bólinedi. Baǵdarlama barlyǵy 12 modýlden jáne 45 pánnen turady. 1 toqsanda 5-8 modýl boıynsha sabaq ótedi.
Ár jastaǵy top (8-9, 10-12, 13-15, 16-17 jas) belgili bir modýldik baǵytta sabaq oqıdy. Sabaq aptasyna 3 ret ótedi.
Taratylǵan málimetterge qaraǵanda, aptasyna bir ret barlyq jastaǵy toptarǵa arnalyp tanymal qaıratkerlerdiń qatysýymen dáris sabaǵy, shyǵarmashylyq kezdesý, qaıyrymdylyq shara, taqyryptyq kesh sekildi ortaq sabaqtar uıymdastyrylady. Ár aıdyń sońynda keshendi shyǵarmashylyq emtıhan tapsyrylady, sondaı-aq tolyq tsıkldiń sońynda qyzdarǵa sertıfıkat beriledi. 1 toqsanda 300-ge deıin qyz bala oqıdy.
