Qazaq qyzy Qytaı fılminde basty rólde oınaıdy
ASTANA. QazAqparat - Qytaıda ónerin shyńdap júrgen qazaqtyń arý qyzy Rıza Álimjan bul eldiń kıno salasynda Reyizha Alimjan nemese Rayza degen esimimen tanymal.
Ol 1986 jyly 15 shildede Beıjiń qalasynda dúnıege kelgen. Qytaıdyń Baidu izdeý jelisindegi derekkózderge súıensek, taza qazaq otbasynda tárbıelengen. Qyzdyń ákesi Álimjan Nurǵazyuly men anasy Zaıymhan Beıjiń qalasyndaǵy Ortalyq ulttar baspasynyń qazaq redaktsııasynda jumys isteıdi eken. Rızanyń hobbıi - án aıtý, saıahatqa shyǵý, kitap oqý.
15 jasynan bastap tanymal bola bastaǵan Rıza eń jas sánbıke retinde ataqty sán týraly «Ruili» jýrnalynyń alǵashqy betterine birneshe ret shyqqan. Buǵan deıin ol «Soqyr kıno», «Úlken shaıqas», «Sáttilik kele jatyr», «Jen Hýan Chýan ǵıbadathanasy» sııaqty taǵy da basqa fılmderge túsken.
Qazir «Biz ǵana biletin meken» («Somewhere Only We Know») atty týyndyda ońtústikkoreıalyq EXO tobynyń burynǵy múshesi Vý Ifanmen birge túsýde. Fılmniń premerasy kelesi jyldyń aqpan aıyna josparlanyp otyr, dep habarlaıdy massaget.kz .
