"Qazaq qyzy" der kezinde shyqqan jýrnal-Q. Jumadil
ALMATY. 11 naýryz. QazAqparat /Erlik Erjanuly/ - Qyz-kelinshekterge arnalǵan respýblıkalyq "Qazaq qyzy" jýrnal der kezinde shyqqan jýrnal.
Qazaqstannyń halyq jazýshysy, Memlekettik jáne táýelsiz "Tarlan" syılyǵynyń ıegeri Qabdesh Jumadil búgin Almatyda atalmysh jýrnaldyń tusaýkeser rásiminde osylı aıtty.
"Tusaýkeser - bul qoǵamdaǵy úlken jańalyqtardyń biri. Jańa basylymnyń ómirge kelýi, jańa pikirdiń aıtylýy rýhanı dúnıege qosylǵan sony qubylys pen úrdis. "Qazaq qyzyn" oqyp shyǵyp, der kezinde shyqqan jýrnal eken degen oıǵa qaldym. "Qazaq qyzy" degen sózdiń aınalasynda otbasy, ásemdik, sulýlyq, sán, dástúr, sana degen sııaqty qanshama taqyrypty qozǵaýǵa bolady. Bul kúnde áıelder qoǵamdy ustap turǵan úlken kúsh qoı. Olar san jaǵynan da kóp eken", - deıdi Qabdesh Jumadil.
Jazýshynyń aıtýynsha, qazaq qyzy - adamdardy tartyp turatyn sarqylmaıtyn úlken taqyryp. Qyz ósirý, gúl ósirýmen birdeı. Qazaq qyzy - ıdeıalardyń ortaq túıini.
