Qazaq qyzy bokstan Qytaıdyń eń iri jarysyna joldamany jeńip aldy
ASTANA. QazAqparat - Qytaıdaǵy qazaqtar kóp qonystanǵan Іle aımaǵy Qulja qalasynan shyqqan Tunyq Búrkitbaıqyzy Qytaıdyń bokstan eń iri memlekettik jarysyna joldamany jeńip aldy dep habarlaıdy QazAqparat tilshisi kazakh.people.com saıtyna silteme jasap.
Qazaq qyzy bul iri jetistigine 18 mamyrda Qytaıdyń Tıanjın qalasynda ótken 13-shi Búkilmemlekettik jarysqa irikteý týrnırinde qol jetkizdi. Endi ol 2017 jylǵy memlekettik (18 jastan 22 jasqa deıingi) jarysta Shyńjań qyzdary atynan óner kórsetpek.
Aıta keteıik, Tunyq Búrkitbaıqyzy Shyńjań áıelderi arasynan Qytaıdyń atalmysh iri jarysyna qatysqaly otyrǵan tuńǵysh boksshy qyz.
Tunyq Búrkitbaıqyzy 2016 jyly qyzdar arasyndaǵy el birinshiliginde 60 keli salmaqta bas júldemen qatar, eń úzdik jas talant syılyǵyna ıe boldy.
