Qazaq qyzy Áıgerim Ahmetova AQSh-ta ofıtserlik daıyndyqtan ótedi

ASTANA. QazAqparat - Qazirgi ýaqytta Katardaǵy «Al Udied Air Base» amerıkandyq avıabazasynda qyzmet etetin Qazaqstan týmasy Áıgerim Ahmetova AQSh ÁÁK-iniń ofıtserlerin daıyndaý mektebine tirkeldi, dep habarlady US Air Force basylymy.

Áıgerim Ahmetova Qyzylorda ýnıversıtetteriniń birinde aýdarma fakýltetinde oqyp, magıstr dárejesin alǵan. Keıin Qazaqstandaǵy iri kompanııada qazaq jáne orys tilderinen aǵylshyn tiline aýdarmashy bolyp eńbek etken. Sál keıinirek turaqty jumys istep, saıahattaý úshin AQSh-qa kóshý sheshimin qabyldaǵan.

«Amerıkada jumys tabý qıyn boldy. Osy elde jańa ómir bastaýǵa bel býyp, AQSh ÁÁK-inde qyzmet etýdi tańdadym», - dedi ol.

Onyń armanyn júzege asyrý úshin Áıgerimniń rekrýteri bir jyl áskerde bolyp, keıin ofıtserlerdi daıyndaıtyn mektepke túsip kórýge keńes berdi.

AQSh-ta osy eldiń azamaty bolyp tabylmaıtyn tulǵalar ofıtser bola almaıtynyna qaramastan, qazaqstandyq azamatsha 2011 jyldyń qarashasynda alǵashqy áskerı daıyndyq boıynsha kýrs tyńdaýshysy retinde jazdyryldy. Ony aıaqtaǵannan keıin Aıgerim tehnıkýmǵa tústi, keıin Amerıka azamattyǵyn aldy.

2014 jyldyń jeltoqsanynda ÁÁK kadrlaryn oqytý jáne daıyndaý qolbasshylyǵy ókilderi ony dostary men tárbıe berýshileriniń usynýymen tizimge tirkedi.

Іrikteý kezinde Áıgerim Ahmetovany ofıtserlerdi daıyndaý mektebine qabyldaý sheshimi shyqty. Áıgerim 2016 jyly Alabama shtatyndaǵy Maksvell avıabazasynda daıyndyqtan ótedi.