Qazaq qyzdaryna arnalǵan mýzeı bedeldi Halyqaralyq uıymǵa múshe boldy

"Bul ultymyzdyń ulylyǵyn ulyqtaý maqsatynda qolǵa alynyp otyrǵan ıgilikti is. Sonymen qatar, qazaq halqynyń rýhanı qundylyqtaryn shetelde nasıhattaýǵa baǵyttalǵan naqty qadam dep sanaımyz. Búginde atalǵan qaýymdastyq quramynda álemniń bedeldi mýzeıleri bar", - dep atap ótti Baspasóz jáne qoǵammen baılanys bóliminiń basshysy Jandar Asan.

Ýnıversıtet mýzeıi qyzmetkerleri bıylǵy jyldyń qazan aıynda Túrkııanyń Ystanbul qalasynda ótetin I Eýropa jáne Azııa Kongresine qatysyp, «Qazaqstannyń áıelder tarıhyn qaıta jańǵyrtý» taqyrybyndaǵy baıandama jasamaq. Sonymen qatar, oqý ornynyń tarıhynan syr shertetin foto kórmeni álem jurtshylyǵynyń nazaryna usynǵaly otyr. Aldaǵy ýaqytta Halyqaralyq uıymmen birlesken jobalar da júzege asyrylmaq.

Aıta keteıik, búginde Halyqaralyq əıelder mýzeıi qaýymdastyǵyna dúnıejúziniń 80-nen astam mádenı nysany múshe.

«Aqtumar» mýzeıi 2002 jyldyń qarasha aıynda quryldy. Keshen «Mádenı mura» memlekettik baǵdarlamasyna sáıkes dástúrli, mádenı-rýhanı qundylyqtar arqyly stýdent jastarǵa eliniń tarıhyn, tilin jáne kóp ultty Qazaqstannyń tarıhyn qurmetteý qasıetterin qalyptastyrý maqsatynda qyzmet atqarady. Mýzeı qorynda oqý ornynyń qurylǵan ýaqtysynan bastap syr shertetin jádigerler men sırek fotosýretter ornalasqan. Atap aıtqanda, Qyzdar Ýnıversıtetiniń qalyptasýy, damýynda eńbek sińirgen memleket jáne qoǵam qaıratkerleriniń, rektorlardyń eńbekteri, bilim ordasynyń dańqty túlekteri týraly aqparat berilgen. Sondaı-aq, mýzeı ekspozıtsııasynda qazaq memleketiniń qalyptasýyndaǵy qazaq áıeliniń róli - kóne zamannan qazirgi zamanǵa deıin tynys-tirshiligi kórsetilgen.

Mýzeıde «Analar ulaǵaty - elge amanat», «Ýnıversıtet tarıhy», «Áıel álemi» etno-kollektsııasy», «Áıelder shyǵarmashylyǵy» jáne «Áıelderdiń qoǵamdaǵy róli» atty bólimder bar.

Mádenı keshende ekskýrsııalar, stýdentter men túlekterdiń shyǵarmashylyq jumystarynyń kórmesi, tanymdyq sabaqtar, dóńgelek ústelder turaqty túrde ótkizilip turady.