Qazaq qyzdary Serbııada ótetin bokstan halyqaralyq týrnırde baq synaıdy
ASTANA. QazAqparat - Taıaý kúnderi qazaqstandyq boksshy qyzdar Serbııada ótetin bokstan Ult kýbogy halyqaralyq týrnırine qatysý úshin attanady. Bul jaıynda «QazAqparat» HAA tilshisi Qazaqstan boks federatsııasyna silteme jasap habarlaıdy.
«Daıyndyq qalypty rejimde ótýde. Qazirgi ýaqytta biz Almaty oblysyndaǵy AIBA akademııasynda jıyn ótkizýdemiz. Serbııada ótetin halyqaralyq týrnırde bizdiń birinshi nómirli boksshylarymyz, onyń ishinde Rıo Olımpıada oıyndaryna qatysqan Darıǵa Shákimova men Jaına Shekerbekova óner kórsetedi. Serbııa týrnıri jańa jyldaǵy alǵashqy jarys jáne bizge onda qalaı jáne nemen jumys isteý qajettigin kórý kerek bolyp tur. Bul 2017 jylǵy basty jarystar aldyndaǵy tekserý desek te bolady», - dedi qyzdar quramasynyń bas bapkeri Vadım Prısıajnıýk.
Sonymen halyqaralyq týrnırde Qazaqstan namysyn tómendegi boksshy qyzdar qorǵaıtyn bolady:
48 keli - Alına Turlybaeva men Alýa Balqybekova,
51 keli - Jaına Shekerbekova,
54 keli Dına Jolaman,
60 keli - Aıjan Qojabekova men Nazym Işanova,
64 kg Mádına Nurshaeva,
69 keli Valentına Halzova,
75 keli - Darıǵa Shákimova,
81 keli Móldir Bazarbaeva,
81 keliden joǵary - Lázzat Kúngeıbaeva.
