«Qazaq qyzdary Krakovte «mat» qoıdy» - respýblıkalyq basylymdarǵa sholý
***
Munaı mol sanalatyn Qazaqstanda janarmaı baǵasyna qatysty másele de mol. Bılik sońǵy jyldary janarmaı baǵasynyń qubylýymen kúresip álek. Áıtse de túpkilikti sheshimniń tıimsizdiginen baǵa qubylysy jaǵaǵa jarmasýdan tyıylǵan emes. Buǵan deıingi áńgimeniń barlyǵynda da baǵa turaqsyzdyǵyna qatysty sebep syrtqy naryqpen baılanystyrylyp, op-ońaı túsindirilip keldi. Budan keıingi de sebep solaı jalǵasa beretin tárizdi. Endeshe, keshegi Munaı jáne gaz mınıstri Saýat Myńbaevtyń Májiliske maquldatqan munaı ónimderiniń aınalymyn retteýge baǵattylaǵan zań jobasynan ne kútemiz? Bul jaıynda «Alash aınasy» gazetiniń beısenbilik sanynda jaryq kórgen «Reseı naryǵyna júginbeı, janarmaı baǵasyn retteý múmkin emes» degen maqaladan egjeı-tegjeıli bile alasyzdar.
Osy basylmnyń turaqty «Dat!» aıdarynda ekonomıka ǵylymynyń doktory, professor, QR dıplomatııasyna eńbegi sińgen qaıratker Saılaý Batyrshaulymen aradaǵy suhbat «Biz musylman elderimen bolatyn baılanysqa muqııat qaraýǵa tıispiz» degen taqyryppen berildi. Basylymnyń barlyq saýaldaryna tuşymdy jaýap bergen ol: «Erteń bir jaǵdaı bola qalsa, eń aldymen kómektesetin qarjylaı, tipti adam kúshi arqyly kómek beretin baýyrlas musylman elderi bolady. Sondyqtan Islam Konferentsııasy uıymy arqyly olarmen baılanysty barynsha nyǵaıta túsken lázim. Tóraǵalyqtyń sátti ótýi de soǵan baılanysty», - deıdi. Suhbattyń tolyq nusqasy búgingi nómirde.
***
«Nur Otan» partııasynyń Ortalyq apparatynda «Ekonomıkalyq qylmystar úshin qylmystyq jaýapkershilikti odan ári izgilendirý» taqyrybynda dóńgelek ústel ótti. Osyǵan oraı «Aıqyn» gazetiniń búgingi sanynda «Jaza basqandardy jazalaı bergen durys emes» degen taqyryppen maqala jarııalandy. Basylymnyń atap ótýinshe, Ákimshilik quqyq buzýshylyq týraly kodekske ákimshilik jazalardyń joǵarǵy shegi arttyrylyp, jeke tulǵalarǵa 500 AEK-ke deıin, al jeke kásipkerlerge, laýazymdy jáne zańdy tulǵalarǵa 1000 AEK-ke deıin salyq salynbaq.
***
«Aıqyn» gazetiniń jazýynsha, «Sháken juldyzdary-2011» Almaty halyqaralyq kınofestıvali keshe keshkisin Balýan Sholaq atyndaǵy sport saraıynda saltanatty túrde ashylyp, beskúndik jumysyn bastady. Bıyl 9-shy márte uıymdastyrylyp otyrǵan mádenı sharaǵa álemniń 38 memleketinen jas kınematografıster jınalǵan. Olardan kelip túsken jumystar sany - 600. Іrikteý komıssııasynyń sheshimimen 55 týyndy konkýrsqa jiberilgen. Tańdaýly jumystar «Debıýtter», «Jastar kınosy», «Stýdenttik kıno», «Anımatsııa» sektsııalary boıynsha sarapqa salynady.
***
«Súıinshi, súıinshi, súıinshi! Osy sózdi qazir myń ret aıtsaq ta jarasatyn sekildi. Sebebi, 30 sáýir men 8 mamyr aralyǵynda Polshada oqýshylar arasynda ótken álem chempıonatynda qazaqtyń shahmatshy qyzdary Alash elin álemge pash etti. Buǵan deıin jastar shahmatyn sóz etkende Álem chempıondary Jansaıa Ábdimálik pen Dınara Sádýaqasova syndy qazaqtyń qyzdary birden eske túsetin edi. Endi bulardyń qataryna taǵy eki chempıondy qosýǵa bolady», - dep jazady «Nur Astana» gazeti. Álemdik dodada top jarǵan qarakóz qaryndastarymyzdyń esimderin bilgińiz kelse, basylymnyń túgingi nómiridegi «Qazaq qyzdary Krakovte «mat» qoıdy» degen maqalaǵa nazar aýdaryńyz.
***
«Astanada «Qazaqstan mektepterinde matematıkalyq bilim berý isin damytý: qazirgi jaı-kúıi men damý bolashaǵy» taqyrybynda Qazaqstannyń matematıka pániniń muǵalimderiniń І-sezi boldy», dep jazady «Kazahstanskaıa pravda» gazeti. Basylymnyń atap ótýinshe, sezd jumysyna ashqan QR Premer-Mınıstriniń orynbasary Erbol Orynbaev qatysýshylarǵa Elbasy Nursultan Nazarbaevtyń quttyqtaýyn oqyp bergen. Memleket basshysynyń quttyqtaýynda: «Men elimizde sapaly bilim berý isindegi ustaz róliniń mańyzdylyǵyn túsiný qalyptasqanyn qanaǵat sezimmen atap ótkim keledi», - delingen.
