Qazaq qyzdary 3 oıynda óz qaqpalaryna 15 gol soqtyryp aldy
ASTANA. QazAqparat - Reseıdiń Sochı qalasynda ótip jatqan qyzdar arasyndaǵy fýtboldan «Kýban kóktemi» týrnırinde arýlarymyz úsh oıyn ótkizip, barlyǵynda qarsylastaryna utylyp qaldy, dep habarlaıdy QazAqparat tilshisi.
19 jasqa deıingi jasóspirim qyzdardyń basyn qosqan jarysta otandastarymyz «A» tobynda óner kórsetti.
Alǵashqy oıynyn Slovenııa quramasyna qarsy ótkizip, 5:1 esebimen utylsa, ekinshi oıynda Iran arýlaryna 7:0 esebimen oısyraı utyldy. Al úshinshi matchyn Krasnodar ólkesi quramasyna qarsy ótkizip, olardan 3:0 esebimen taǵy da jeńilis tapty.
Osylaısha Petr Pak jattyqtyratyn Qazaqstan arýlary toptyq kezeńde 3 kezdesýin ótkizip, óz qaqpasyna 15 dop jiberip, qarsylastaryna 1 ǵana gol soqty.
Endi jerlesterimiz búgin Rýmynııa qyzdarymen bolatyn oıynda 5-8 oryndar úshin synǵa túsedi.
