Qazaq-Qytaı shekarasynda «Jibek joly» rallıiniń 7-kezeńi aıaqtaldy
ASTANA. QazAqparat - «Jibek joly» rallı-marafonynyń jetinshi kezeńi Qazaqstan aýmaǵyndaǵy 100 shaqyrymdyq arnaıy ýchaskeden keıin Qytaımen shekara tusynda márege jetti, dep habarlaıdy QazAqparat.
«Astana» Prezıdent klýbynyń baspasóz qyzmetinen habarlaǵandaı, «Úrjar-Qaramaı» marshrýtynyń jalpy uzyndyǵy 412,90 shaqyrymdy quraıdy, onyń 106,60 shaqyrymy arnaıy ýchaskege týra kelgen.
"Astana Motorsports" komandasy júk kólikteriniń basty klassıfıkatsııasynda besinshi oryndy ustap tur, al ótken kezeńniń qorytyndysy tómenirek - jetinshi oryn.
«Jibek joly» rallı kerýeni Tıan-Shan jotasy arqyly Qytaı aýmaǵyna bet alady. Onda nóserli jaýyn qyryq gradýstyq ystyqqa almasyp, aýa raıy kúrt ózgerip turady.
"Silk Way Rally-2017" kelesi kezeńi jarysýshylardyń muqııat bolýyn talap etedi - avtoshabandozdardy Qaramaıdan Úrimshige deıin ártúrli bederdegi jol kútip tur.
