Qazaq-qytaı shekarasynda jaıaýlatqan mıllıoner qolǵa tústi
ASTANA. QazAqparat - «Qorǵas» shekaralyq baqylaý otrıadynyń shekara narıady tekserip-ótkizý beketinde jasy 70-tegi qart adamnyń shekaradan 4 mln astam teńge zańsyz alyp ótpek bolǵanyn anyqtady, dep habarlady QR UQK ShQ baspasóz qyzmetinen.
«Qorǵas» shekaralyq baqylaý otrıadynyń shekara narıady tekserip-ótkizý beketinde (qazaq-qytaı shekarasy), ústimizdegi jyldyń 15 qyrkúıegi kúni, tús aýa kórshiles elden bizdiń elge qaraı jaıaý ótip kele jatqan jasy jetpiske qaraǵan (1946 jyly týǵan) QHR azamatyn tekserý barysynda, aqsaqaldyń qol júginiń arasyna jasyrylǵan, ári jarııalanbaǵan 4 200 000 teńge tabyldy», delingen habarlamada. Memlekettik shekaradan zańsyz jolmen qomaqty qarjy alyp ótpek bolǵan mıllıoner qartpen endigi jerde «Qorǵas» keden beketiniń mamandary jumys isteıtin bolady.
