Qazaq-qytaı shekarasynda otandyq taýar tasymaldaýshylarǵa arnalǵan dáliz qalpyna keltirildi
QR SIM «QazTrade» otandyq eksporttaýshylar úshin Qazaqstan-Qytaı shekarasynan ótý rásimderin jeńildetýge qol jetkizdi
«19 mamyrda «Nurjol» keden ótkelinde QHR-ǵa otandyq eksportty qoldaý jáne jedeldetý sheńberinde 10 sáýirde shekarada paıda bolǵan qazaqstandyq óndirýshilerdiń taýarlary bar mashınalarǵa arnalǵan jeke dáliz alynyp tastaldy. 19 mamyrdan bastap jeke dáliz boıynsha tek muzdatylǵan et pen balyǵy bar avtokólik qana shekaradan kedergisiz ótetin. Qalǵan qazaqstandyq taýarlar jalpy kezekti kútýge májbúr boldy. («Nurjoly» keden ótkeliniń ótkizý qabileti kúnine 5-10 mashınany quraıdy). Bul shekarada avtokólik quraldarynyń kóp sanynyń jınalýyna alyp keldi, al ol qazaqstandyq taýarlardy sheteldik satyp alýshylarǵa úzdiksiz jetkizýge qaýip tóndirdi», delingen habarlamada.
QR Saýda jáne ıntegratsııa mınıstrliginiń «Qazaqtrad» saýda saıasatyn damytý ortalyǵy» AQ-na arnaıy @exportgov Telegram arnasy arqyly otandyq eksporttaýshylardan ótinish túse bastady. Aıta keterligi, arna naýryz aıynyń sońynda shıkizat emes taýarlar men qyzmetterdi eksporttaýdy júzege asyrý máseleleri boıynsha shuǵyl ótinishter qabyldaý úshin quryldy.
29 mamyrda «Qazaqtrade» saýda saıasatyn damytý ortalyǵy» AQ men QR Saýda jáne ıntegratsııa mınıstrligi qyzmetkerleriniń qoldaýymen barlyq qazaqstandyq taýarlardy tasymaldaýshylarǵa arnalǵan jeke dálizdiń jumysy qalpyna keltirildi.
