Qazaq-qyrǵyzdyń qudalyǵy týraly fılm halyqaralyq festıvalge qatysady
ASTANA. QazAqparat - «Qyrǵyz-qazaq bir týǵan» kórkem fılmi Ýfada ótetin «Kúmis Aqbozat» ulttyq jáne etnıkalyq kıno halyqaralyq festıvaline qatysady, dep habarlady rejısser Nurlan Ábdiqadyrovqa silteme jasap AkiPress. Rejısser Nurlan Ábdiqadyrov kınofestıvalǵa qatysýshy retinde shaqyryldy. Onyń fılmi baıqaý baǵdarlamasyna qatysý úshin tańdaldy.
«Kúmis Aqbozat» kıonfestıvali 26-28 qazanda Ýfada ótedi. Sharanyń negizgi maqsaty - álem halyqtarynyń rýhanı, mádenı qundylyqtaryn nasıhattaý, ultyq jáne etnıkalyq baǵytta fılm túsiretin kınomatografıster shyǵarmashylyǵyn taratý. Baıqaý baǵdarlamasyna tolyq metrajdy, qysqa metrajdy qoılyym jáne derekti fılmder qatysady.
Qyrǵyzstandaǵy aýyldyń kedeı otbasy Qazaqstanda baı otbasymen qudandal bolýdy armandap, taý ótkeli arqyly Almatyǵa qalyńdyq aıttyryp keledi. Shekaradan zańsyz ótpek bolǵanda ustalǵan olar mámilege kelip, mına salynǵan jáshikti Almatyǵa jetkizýge kelisedi.
