Qazaq-qyrǵyz shekarasyndaǵy beketterdiń ınfraqurylymy jaqsarady
ASTANA. QazAqparat - Qazaq-qyrǵyz shekarasyndaǵy ótkizý beketteriniń ınfraqurylymy jaqsarady. Bul týraly QR Indýstrııa jáne ınfraqurylymdyq damý birinshi vıtse-mınıstri Roman Sklıar men Qyrǵyz Respýblıkasynyń Tótenshe jáne Ókiletti Elshisi Jeenbek Kýlýbaevtyń kezdesýinde belgili boldy, dep habarlaıdy QazAqparat.
Kezdesý barysynda taraptar eki jaqty saýda-ekonomıkalyq jáne kólik yntymaqtastyǵyn damytý máselelerin talqylady, dep habarlaıdy QR IIDM baspasóz qyzmeti.
Taraptar saýda-ekonomıkalyq áleýetti arttyrý jáne aǵymdaǵy jyly eki eldiń eń aldymen ónerkásiptik kooperatsııa esebinen taýar aınalymyn 1 mlrd. AQSh doll. jetkizý qajettiligin atap ótti.
Kezdesý barysynda elshi Jeenbek Kýlýbaev eki jaqty tártipte Qazaqstan men Qyrǵyzstan shekarasynda ótkizý beketteriniń ınfraqurylymyn jetildirýdi usyndy. Sonyń ishinde «Qordaı-avtojol» ótkizý beketin qaıta qurý, «Qarasý-avtojol» ótkizý beketinde kópir salý jáne qaıta qurý jóninde aıtyldy.
R.Sklıar ótkizý beketteriniń tıisti ınfraqurylymdyq bazasyn qurýdyń mańyzdylyǵyn atap ótti, sondaı-aq Qazaqstan Respýblıkasy men Qyrǵyz Respýblıkasynyń shekaralas aýmaǵynda ótkizý pýnktterin jańartý jáne qaıta qurý boıynsha mınıstrliktiń josparlarymen bólisti.
Qorytyndylaı kele, taraptar tıisti birlesken jumystardy (JSQ jáne TEN ázirleý) shuǵyl júrgizý úshin osy jyldyń birinshi jartysynda ýákiletti organdardyń kezdesýine bastamashylyq jasaýǵa ýaǵdalasty.
