Qazaq-qyrǵyz shekarasynda Tájikstan azamaty 10 kg geroınmen ustaldy
ASTANA. QazAqparat - Qazaq-qyrǵyz shekarasynda Tájikstan azamaty 10 kg geroınmen ustaldy, dep habarlaıdy QR UQK ShQ baspasóz qyzmetinen.
«2015 jyldyń 19 shildesinde 21 saǵat 50 mınýtta «Qordaı» tekserip-ótkizý (avtokólik) pýnkitinde shekara narıady, arnaıy úıretilgen qyzmettik ıttiń kómegimen Qyrǵyzstannan Qazaqstan aýmaǵyna, odan ári Reseı federatsııasyna óz avtokóligimen ótpek bolǵan Tájikstan respýblıkasynyń azamatyn ustady. Avtokólikti muqııat tekserýdiń nátıjesinde artqy dóńgelekteriniń oń jáne sol jaq qanattarynyń astyna jasyrylǵan 10 kılogrammnan astam «Geroın» esirtkisi tabyldy. Tıisti oryndar tekserý júrgizýde», - dep jazylǵan habarlamada.
